कोरियामा शरणार्थी भिसा बनाईदिने नाममा नेपालीले नेपालीलाई ठग्छन

सोल-दक्षिण कोरियामा शरणार्थी भिसा बनाईदिने नाममा नेपालीले नेपालीलाई नै ठग्ने गरेका छन् |

कोरियामा नेपाली ब्यवसाय सन्चालन गर्दै आएका ब्यक्तिहरुनै यस्तो धन्दामा लागेको बिशेष शुत्रबाट पता लागेको हो |

ती ब्यावसायिले भिसा अबधि सकिएर नेपाल जाने तयारीमा रहेका नेपालीलाई शरणार्थी भिसा बनाईदिने प्रलोभन देखाई पैसा उठाएर पैसा खाईदिएका धेरै उदाहरण रहेको प्रवासि मजदुर संघ का संचार बिभाग प्रमुख मधुशुधन ओझाले हटपाटीलाई बताए |

दलालहरुले भिसा बनाउन नेपालबाट डकुमेन्ट मगाउन पर्ने र यो प्रकृया लामो हुने भएकोले यस बापत लाग्ने खर्च भन्दै ४० लाख कोरियन पैसा उठाएर आफुलाई ठगेको नाम नबताउने शर्तमा एक नेपालीले भने | त्यस्तै एक पीडित महिलाको ब्यथा पनि उस्तै छ |

शरणार्थी भिसा बनाउन आजकाल आध्यागमन बिभागले अस्विकार गर्ने र लिइ हाले पनि ३ महिनाको भिसा दिने गर्दछ तर पीडितले त्यो भिसा पाउन भन्दा अगाडि लाखौं पैसा डुबिसकेको तथ्य ओझाले बताए |

त्यसैले शरणार्थी भिसा बनाईदिने नाममा बिभिन्न ब्यक्तिहरु सक्रिय रहेकाले यसबाट बेलैमा सचेत रहन ओझाले सबैमा अनुरोध गरेका छन् |