पुनर्निर्माण प्राधिकरणका सीईओ ज्ञवाली बर्खास्त

काठमाडौं– प्रचण्ड सरकारले राष्ट्रिय पुनर्निर्माण प्राधिकरणका सीईओ शुशील ज्ञवालीलाई बर्खास्त गरेको छ ।

बुधबार बसेको मन्त्रिपरिषद् बैठकले ज्ञवालीलाई बर्खास्त गर्ने निर्णय गरेको सुचना तथा सञ्चारमन्त्री एवम् सरकारका प्रवक्ता सुरेन्द्र कार्कीले जानकारी दिए ।

एमाले निकट ज्ञवालीलाई बर्खास्त गरेर सरकारले नेपाली कांग्रेस निकट गोविन्द पोखरेललाई नयाँ सिईओमा नियुक्त गरेको छ ।

यस्तै मन्त्रिपरिषदको बैठकले बर्षभरी दिने बिदा पुनरावलोकनका लागि गृह मन्त्रालयलाई जिम्मेवारी दिएको छ ।