आलुको गरिमा

कुहिएर गनाउन थालेको एउटा आलु
कुहिनै थालेको अर्को आलुको नाम लिएर
हात उठाउदै उद्घोष गर्दछ,
… गरिमामय पदमा चयन हुनुभ’एकोमा
यंहालाई हार्दिक बधाई
आफ्नो जातको साख बचाउन भ’एपनि
ताजा आलुहरु जोड जोडले समर्थन गर्दै
ताली बजाउदछ |
अनि भन्दछ “हार्दिक बधाई”
एवं सफल कार्यकालको शुभकामना !

एउटा डेट एक्सपाएर आलुले
अर्को डेट एक्सपाएर हुनै लागेको अालुलाई
आफ्नो उत्तराधिकारी घोषणा गरिरहदा

छेउमै बसेको लसुन
मुसुक्क मुस्कुराएर
चुपचाप बाहिरिन्छ
ऊ मनमनै भन्छ
बरु सुकेर जान्छु
यसरी कुहिएर बस्दिन |

फेब्रुअरी ९ ,२०१७