भर्जिनसंग ‘भ्यालेन्टाईन डे’

सोचेको थिंए,

यसपालीको भ्यालेन्टाईनमा
तिमीलाई नै प्रेम प्रस्ताव पठांऊ
छिरेको पनि थिएं
अार्किजको कुनै गिफ्ट ग्यालरीमा
शायद मौसम नै प्रेममय भएर हो कि?

सबथोक अमूल्य थियो
थोत्रो पर्स निकाले
चानचुन यस्तै हजार देखें
पहिलोचोटि फूलको मूल्य नि
छुनै नसक्ने बजार देखें
फेरि सोचें
एउटा प्रस्ताव पठाउन
गुलाब पनि किन्न नसक्ने
बिचरा मैले
तिम्रो अोठको लाली रंग
आंखाको कालो गाजल
नङ्गको रातो पालिस
अन्य यस्तै यस्तै
खुशियालीका रङ्गहरु
कसरी किन्न सक्छु?

हीनताबोधको पीडामा रन्थनिरहंदा
नजिकै मदिरा पसल देखें
अन्तत गुलाबको फूल भन्दा
सस्तो ‘भर्जिन’ फोडेर
रमाईरहेको छु एउटा मनाउन नसकेको
भ्यालेन्टाईन् डे सम्झिएर !

सोल -२०१७/२/६