दक्षिण कोरियामा कोरोना खोप लगाउने हरेक तीन मध्ये एकमा नकारात्मक असर

सोल— दक्षिण कोरियामा कोरोना भाइरस विरुद्धको खोप लगाएका हरेक तीन मध्ये एकमा नकारात्मक असर देखा परेको देशको रोग तथा प्रकोप नियन्त्रण केन्द्रले जनाएको छ । केन्द्रका अनुसार खोप लगाएका मध्ये ३२.८ प्रतिशतमा मांशपेशी दुख्ने तथा ज्वरो आउने लगायतका असर देखा परेको छ । यो दर बेलायत सरकारले देखाएको भन्दा ३ गुणा बढी रहेको समेत केन्द्रले बताएको छ ।

हालै दक्षिण कोरियामा कोरोना खोप लगाएका १८००० जना मध्येबाट गरिएको अध्ययनका क्रममा उक्त नतिजा फेला परेको अधिकारीहरुले बताएका छन् । उनीहरुलाई बेलमयती कम्पनीको खोप अष्ट्राजेनेका प्रयोग गरिएको थियो भने केहीलाई फाइजरको खोप समेत लगाइएको थियो ।

खोपको असर युवाहरुमा बढी पाइएको समेत केन्द्रको अध्ययनमा भनिएको छ । केन्द्रले भने प्रतिरक्षा प्रणाली विस्तार हुने क्रममा त्यस किसिमका लक्षण देखिएको दावी गरेको छ । यता स्वास्थ्य विज्ञहरुले भने यति धेरै मात्रामा नकारात्मक असर देखिनु सामान्य नभएको प्रतिकृया दिएका छन् ।

गत हप्ताबाट मात्र अष्ट्राजेनेका खोप ६५ बर्ष माथिका मानिसहरुलाई प्रयोग गर्न सरकारले अनुमति दिएको थियो । युपा पुस्तामा नकारात्मक असर बढी देखिए पश्चात ६५ बर्ष माथिका मानिसहरु उक्त खोप लगाउन त्यत्ति आकर्षित नभएको समेत केन्द्रले बताएको छ ।