दक्षिण कोरियामा थप एण्टि ब्यालेष्टिक मिसाइल क्षमता विस्तार गरिदै

सोल — दक्षिण कोरियामा यस बर्ष एण्टि ब्यालेष्टिक मिसाइल क्षमता विस्तार गरिने दक्षिण कोरियाका लागि अमेरिकी सैनिक कमाण्डर रोवर्ट अब्राहम्सले बताएका छन् । उनले यस बर्ष दक्षिण कोरियामा थप ३ प्रकारका मिसाइलहरु स्थापना गरिने बताएका छन् ।

अमेरिकी संसदीय समितिसँगको अनलाइन कुराकानीका क्रममा उनले उक्त कुरा बताएका हुन् । माथि उल्लेखित तीन बाहेक थप २ बटा मिसाइल समेत दक्षिण कोरिया ल्याउने तयारी भएको बताउदै उनले यस अभियानले दक्षिण कोरियाको प्रतिरक्षा प्रणाली थप शशक्त हुने समेत बताएका छन् ।

दक्षिण कोरियालाई उत्तर कोरियाबाट हुनसक्ने सम्भावित हमला तथा आक्रामणबारे अमेरिकी कंगे्रसका सिनेटरले सोधेको प्रश्नको जवाफमा कमाण्डर अब्राहम्सले उक्त विषयमा अमेरिकी तथा दक्षिण कोरियाली सेना तयारी हालतमा रहेको तथा हाल उक्त सम्भावनालाई कम्प्युटर प्रणाली जडित सुरक्षा प्रणालीबाट अनुगमन भइरहेको समेत उनले बताएका छन् ।

हाल दक्षिण कोरियामा थाड लञ्चर प्रविधिको रकेट लञ्चरहरु समेत तयारी हालतमा रहेको बताउदै उनले दक्षिण कोरियाली क्षेत्रको सुरक्षामा कुनै प्रकारको समस्या नरहेको समेत उनले स्पष्ट पारेका छन् ।