बर्डफ्लुको संक्रमण बढेसँगै दक्षिण कोरियामा अण्डाको मुल्यमा भारी बृद्धि

सोल – दक्षिण कोरियामा बर्डफ्लुका घटना बढेसँगै अण्डाको मुल्यमा भारी बृद्धि भएको छ । बजार अधिकारीहरुका अनुसार यस बर्ष अण्डाको मुल्यमा २७ प्रतिशत सम्म बृद्धि भएको छ ।

गत बर्ष प्रति ३० अण्डाको मुल्य ५८६२ वोन रहेकोमा यस बर्ष भने बढेर ७४५६ वोन पुगेको छ । जनावरी ६ तारिखमा ६००० वोन भन्दा माथि मुल्य पुगेसँगै अण्डाको मुल्य २७ प्रतिशत भन्दा बढीले बढेको दक्षिण कोरियाली कृषि, माछा तथा खाद्यान्न कर्पोरेशनले बताएको छ ।

गत बर्षको नोभेम्बरमा देशब्यापी बर्डफ्लु संक्रमणका कारण अण्डाको मुल्यमा भारी बृद्धि भएको समेत कर्पोरेशनले बताएको छ । तीब्र रुपमा मुल्य बृद्धि भएपछि सरकारले बिशेष योजना मार्फत उक्त समस्या समाधानको अभियान सुरु गर्ने निर्णय गरेको छ ।

सरकारी निर्णय अनुसार माग धान्नका लागि सरकार आफैले बिदेशबाट करिव २ करोड अण्डा जनावरी सम्ममा ल्याइसकेको छ । यता सरकारले निजी कम्पनिहरुलाई जुन ३० तारिख सम्म ५०, ००० टन सम्मको अण्डा तथा अण्डा जन्य पदार्थको आयातमा कुनै प्रकारको ट्यारिफ नलिने समेत बताइसकेको छ ।