दक्षिण कोरियामा लकडाउनको समयमा लट्री टिकट बिक्रीले रच्यो नयाँ इतिहास

सोल – दक्षिण कोरियामा लकडाउनको अधिमा मानिसहरुले लट्रिको टिकट अत्याधिक रुपमा खरिद गरेका छन् । समाचार अनुसार सो अवधिमा दैनिक करिव १२.९७ बिलियन वोन बराबरका लट्री टिकटको बिक्री भएको छ ।

कोरियाली पत्रिका छुसन इल्बोमा प्रकाशित समाचार अनुसार हाल सम्म ५२५ जनाले करिव १.१३ ट्रिलियन वोन बराबरको लट्री उपहार घर लगिसकेका छन् ।

दक्षिण कोरियाली अर्थ मन्त्रालयका अनुसार हरेक कोरियाली नागरिकले हरेक चार दिनमा एक लट्रि टिकट खरिद गरेका छन् । एक टिकटको १००० वोन पर्ने र एक जनाले अधिकतम ५ वटा सम्म टिकट खरिद गर्न पाउने पनि मन्त्रालयले बताएको छ ।

सन् २००९ यता लट्रि टिकटको बिक्रीमा निरन्तर बृद्धि हुँदै आएको छ । जव जव देशमा आर्थिक मन्दि हुन्छ, तव तव लट्रि ब्यवसाय फस्टाउने मन्त्रालयले बताएको छ ।

सन् २०२० को सर्वाधिक टिकट बिक्री डिसेम्बर महिनाको २५/२६ तारिखमा क्रिसमसका बेला भएको थिय‍ो । उक्त समयमा दैनिक १००.०८ मिलिया टिकट बिक्री भएका थिए जसबाट १००.०८ बिलियन वोन रकम बिक्रेताले आर्जन गरेका थिए ।