दक्षिण कोरियामा ४० लाख मानिस बेरोजगार!

सोल – दक्षिण कोरियामा गत बर्ष मात्र २ लाख १८ हजार रोजगारि गुमेका छन् । यो एसियाली आर्थिक मन्दि पश्चात अर्थात बिगत २२ बर्ष यताकै सबै भन्दा बढी रोजगार गुमेको संख्या पनि हो ।

गत बर्ष मात्र ११ लाख बढीले प्रत्यक्ष रुपमा रोजगार गुमाएका छन् जुन सन् २००० यताकै बढी हो । अप्रत्यक्ष रुपमा उक्त संख्या ४० लाख बढी रहेको रोजगार प्रदायक संस्थाहरुले बताएका छन् ।

समाचार अनुसार १० लाख बढी पार्ट टाइम जब मात्र गर्दछन्, काम खोजीरहेका १८ लाख बढीलाई बेरोजगारको सुचीमा राखिएको छैन भने ६५ हजार बढी आवेदन दिएर बसेका छन् । उत्तिकै संख्यामा ब्यक्तिगत कारणले काम गर्न नसक्नेहरु समेत रहेका छन् ।

अध्ययनका अनुसार दक्षिण कोरियामा बेरोजगार दर १३.६ प्रतिशत पुगेको छ जुन सन् २०१५ पछिकै बढी हो । कोरोना भाइरस पछि सबै भन्दा बढी पार्ट टाइम रोनगार गर्नेहरुलाई प्रभाव परेको समेत अध्ययनमा भनपएको छ । अधिकांश पार्ट टाइम रोजगारहरु बन्द भएका समाचारमा बताइएको छ ।

आर्थिक तरलताका कारण फुलटाइम जागिरलाई अस्थायी बनाइएको तथा न्युन पारिश्रमिक निर्धारण गरिएका कारण श्रम बजार अझ बढी प्रभावित बनेको सम्बद्ध अधिकारीहरुले बताएका छन् ।