किम जोङ उनद्वारा आर्थिक रुपमा असफल भएको स्वीकार

सोल – उत्तर कोरियाली सर्वोच्च नेता किम जोङ उनले देशमा चरम आर्थिक असफलता छाएको बताएका छन् । उनले सम्पुर्ण क्षेत्रमा आर्थिक रुपमा असफलता छाएको बताएका हुन् ।

किमले वर्कर्स पार्टीको महासभालाई सम्बोधन गर्ने क्रममा आफ्नो पञ्चबर्षीय योजना पुर्ण रुपमा बिफल भएको समेत बताएका छन् । किमले आफ्नो सम्बोधनका क्रममा हालको असफलताबाट गतिलो पाठ सिकेर आगामी दिनहरुमा कसरि स।ल हुने भन्ने बनरेमा चिन्तन गर्नुपर्ने बताएका छन् ।

यस बर्ष कोरोना महामारी तथा बाढीको प्रकोप सामना गर्नु परेका कारण देशलाई ठूलो घाटा भएको बताउदै नेता किमले उक्त घाटा परिपुर्ति गराउन आगामी बर्ष कडा मेहनत गर्नु पर्ने बताएका छन् ।

अन्तराष्ट्रिय सीमा बन्द हुँदा खुम्चिएको ब्यापार, बिदेशी सहयोगमा ब्यापक कटौती, चीनसँगको ब्यापार ९१.५ प्रतिशतले खुम्चीनु, निर्यात एक बर्षमा जम्मा १.४ मिलियन अमेरिकी डलर तर आयात ३०० मिलियन अमेरिकी डलर पुग्नु लगायतका कारण उत्तर कोरियाको अर्थ ब्यवस्था तहस नहस भएको किमले बैठकमा प्रस्तुत गरेको प्रतिवेदनमा भनिएको छ ।

उक्त महासभा उत्तर कोरियाकै सबैभन्दा ठूलो राजनैतिक भेला मानिन्छ । उक्त महासभामा करिव ७००० जना सहभागी थिए । सहभागी कसैमा पनि मास्क थिएन ।