उत्तर कोरियाली नेता किम ले गरे दुई कोरिया सम्बन्धको समिक्षा, आगामी दिनमा अझ सुधार गर्ने प्रतिबद्धता

सोल – उत्तर कोरियाली सर्वोच्च नेता किम जोङ उनले हालै एक पार्टी महासभामा बोल्ने क्रममा दुई कोरिया सम्बन्ध बारे समिक्षा गरेका छन् । उनले हालको सम्बन्ध राम्रै भएता पनि आगामी दिनमा उक्त सम्बन्ध थप सुधार गर्ने प्रतिवद्धता समेत ब्यक्त गरेका छन् ।

सत्तासीन वर्कस पार्टीको आठौँ पार्टी महासभाका क्रममा बोल्दै किमले उक्त कुरा बताएका हुन् । “हालको सम्बन्ध र आगामी दिनहरु” शिर्षकको उनको उक्त प्रतिवेदनले दुई कोरिया सम्बन्धलाई समिक्षा गर्दै आगामी दिनमा कसरी अगाडी बढ्ने बारे रणनिति समेत तय गरेको उत्तर कोरियाली सञ्चार माध्यम केसीएनएले जनाएको छ ।

किमले आफ्नो प्रतिवेदन पेश गर्ने क्रममा हालको दक्षिण कोरियासँगको सम्बन्ध सकारात्मक रहेको बताउदै आगामी दिनहरुमा कसरी अझ सुदृढ गरेर लैजाने बारेमा समेत बताएका थिए । उक्त महासभामा किमले कस्तो रणनिति बनाएर जाने भन्ने बारेमा भने समाचारमा केही बताइएको छैन ।

हालसम्म दक्षिण कोरियाले उत्तर कोरियासँग बार्ताका अनेकौँ प्रयास गरेता पनि सफल हुन सकेको छैन । यस्तो अवसरमा किमको नयाँ प्रतिवेदनmाई दक्षिण कोरियाले निकै महत्वका साथ हेरेको छ ।