फाइभजी प्रविधिको प्रयोग गरेर एयरपोर्टमै कोरोना भाइरस परिक्षण

सोल – दक्षिण कोरियाले फाइभजी प्रविधिको प्रयोग गरेर एयरपोर्टमा कोरोना भाइरसको जाँच गर्न थालेको छ । जसकाा लागि दक्षिण कोरियाले इञ्चोन अन्तराष्ट्रिय एयरपोर्टमा मोबाइल एज कम्प्यूटिङ (एमईसी) प्रविधिको शुरूवात गरेको छ ।

यसले कोही व्यक्तिलाई कोभिड लागेको छ की छैन भनेर पत्ता लगाउने गर्दछ । कोभिडलाई फैलिन नदिइ नियन्त्रण गर्नका लागी यो प्रयत्न गरिएको हो । यो सिस्टमले मास्क लगाएको छ की छैन भनेर पनि हेर्ने गर्दछ ।

यस प्रविधिको प्रयोगबाट छिटो तथा सहज रुपमा मानिसहरुको स्वास्थ्य परिक्षण हुने तथा नतिजा समेत छपटै उपलब्ध हुने भएका कारण कोरोना रोकथाम तथा नियन्त्रणमा यो निकै प्रभावकारी हुने विज्ञहरु बताउछन् । आगामी दिनहरुमा अन्य विमानस्थलहरुमा समेत सो प्रविधिको प्रयोग गरिने उनीहरु बताउछन् ।

यसले जानकारी संकलन गरेर नजिकैको सानो डेटा सेन्टरमा पठाउने गर्दछ । यसले दक्षिण कोरियाको टेलिकम कम्पनीको नयाँ एआई चीप प्रयोग गर्ने गर्दछ ।