दक्षिण कोरियालीहरु एसियामै बढी रक्सी पिउछन्ः अध्ययन

सोल दक्षिण कोरियालीहरुले एसियामा नै बढी रक्सीजन्य पदार्थको सेवन गर्ने गरेको अध्ययनले बताएको छ । अध्ययनका अनुसार हरेक १० जना मध्ये एक जनाको मृत्यु समेत रक्सीकै कारण हुने गरेको बताएको छ ।

विश्व स्वास्थ्य संगठनले हालै सार्वजनिक गरेको तथ्यांक अनुसार दक्षिण कोरियामा एक जना मानिसले औसतमा बार्षिक १०.२ लिटर रक्सी पिउदछन् । तथ्यांक अनुसार दक्षिण कोरियाली पुरुषहरुले औसतमा बार्षिक १६.७ लिटर रक्सी पउिने गरेका छन् भने महिलाहरुले औसतमा ३.९ लिटर रक्सी पउिने गरेका छन् ।

एसियामा सबैभन्दा बढी रक्सी पिउने देशको पहिलो नम्बरमा लाओस रहेको छ । त्यहाँका मानिसहरुले औसतमा १०.४ लिटर रक्सी पिउछन् । तेश्रो स्थानमा जापान रहेको छ जहाँ मानिसहरुले औसतमा ८ लिटर रक्सी पिउछन् । चौथो धेरै रक्सी पिउने एसियाली मुलुक चीन रहेको छ जहाँ मानिसहरुले बार्षिक औसत ७.४ लिटर रक्सी पिउछन् ।

तथ्यांकका अनुसार विश्वका अन्य मुलुकहरुमा यी भन्दा बढी रक्सी सेवन गर्ने मुलुकहरु रहेका छन् । लिथुयानामा मानिसहरुले औसत १५ लिटर रक्सी बार्षिक विउने गरेका छन् । त्यसै गरि नाइजेरियामा १३.४, फ्रान्समा १२.६ तथा अष्टेलियामा १०.६ लिटर रक्सी बार्षिक रुपमा मानिसहरुले सेवन गर्दै आएका छन् ।