न्यायमन्त्रीकी श्रीमतिलाई चार बर्ष जेल सजाय

सोल – दक्षिण कोरियाली न्याय मन्त्री चो कुककी श्रीमतिलाई चार बर्षको जेल सजाय तोकिएको छ । उनलाई शैक्षिक प्रमाणपत्र तथा कागजातमा कैफियत पाइएको तथा आर्थिक अपचलनको मुद्दामा उक्त सजाय तोकिएको हो ।

उनलाई चार बर्षे जेल सजायका अलावा शैक्षिक कागजपत्र कैफियत मुद्दामा ५०० मिलियन वोन तथा आर्थिक अपचलन मुद्दामा १३९ मिलियन वोन जरिमाना समेत तोकिएको छ । उक्त फैसला सोल जिल्ला अदालतले गरेको हो ।

डोङ्याङ विश्वविद्यालयमा प्रोफेसर समेत रहेकी ५८ बर्षिया चुङ क्युङ सिम उनलाई लगाइएका १४ मध्ये ११ आरोपहरुमा दोसी प्रमाणित भएकी हुन् । उनीमाथि छोरिको कलेज भर्नाका बेला अनियमितता गरेको तथा एक समता फण्डमा अबैधानिक लगानी गरेको आरोप लगाइएको छ ।

अदालतको उक्त फैसला पश्चात प्रतिकृया दिदै उनले उक्त फैसलाले आफू छक्क परृको बताउदै अदालतको उक्त निर्णय बिरुद्ध आफू पुनरावेदन जाने बताएकी छन् । यता कानुन बिज्ञहरु भने उनका गल्तिहरुका आधारमा उनलाई न्युनतम १० बर्ष जेल सजाय हुने बताउछन् । दक्षिण कोरियामा सरकारी कागजात अपचलन गरिएको पाइएमा न्युनतम १० बर्ष कैद हुने प्रावधान रहेको उनीहरुले बताएका छन् ।