दक्षिण कोरियाले सन् २०२१ को सुरुवातबाट कोरोना बिरुद्धको खोप कार्यक्रम सञ्चालन गर्ने

सोल – दक्षिण कोरियाले सन् २०२१ को सुरुवातबाट कोरोना भाइरस बिरुद्धको खोप कार्यक्रम सञ्चालन गर्ने भएको छ । फेब्रुअरी अथवा मार्च महिनाको सुरुवातबाट उक्त खोप सर्वसाधारणलाई लगाइने प्रधानमन्त्री चुङ साई क्युनले स्थानीय केबिएस समाचार संस्थासँगको अन्तरवार्तामा बताएका छन् ।

प्रधानमन्त्री क्युनका अनुसार आष्ट्राजेनेकाले निर्माण गरेको खोप भने २०२१ को मध्य सम्ममा मात्र बजारमा उपलब्ध हुने छ । सम्झौता अनुरुप उक्त खोप बाहेकका फाइजर, एड्रेना तथा जनसेन लगायतका खोपहरु उपलब्ध हुने छन् ।

दक्षिण कोरिया अन्य देशहरुको तुलनामा खोप भित्र्याउन पछि परेको बारे सोधिएको प्रश्नका क्रममा जवाफ दिदै उनले कम्पनिहरुले खोप पठाउने मिति नतोकेको बताउँदै जतिसक्दो चाँडो खोप दक्षिण कोरिया आउने र उपलब्ध हुने बित्तिकै खोप कार्यक्रम सञ्चालन गरिने समेत उनले बताएका छन् ।

हाल सरकारले खोप ल्याउन बिशेष कार्यदल गठन गरेको बताउदै उक्त कार्यदलले सम्भव भएसम्मका उपायहरु लगाइरहेको बताएका छन् । हाल देशभर संक्रमण बढीरहेकाले स्वास्थ्य सतर्कता अपनाउन समेत उनले सबैमा अपिल गरेका छन् ।