दक्षिण कोरियाली शहर बुसानका पूर्व मेयरमाथि यौन दुराचार मुद्दा

सोल – दक्षिण कोरियाली शहर बुसानका पूर्व मेयर ओ क्योन हो माथि सरकारी महिला कर्मचारमीमाथि यौन दुराचार गरेको अभियोग लागेको छ । सरकारी वकिलको कार्यालयले उनीमाथि मुद्दा चलाइएको जानकारी दिएको हो ।

एक महिलामाथि यौन दुराचारको आरोप लागेपछि सन् २०१८ मा मेयर पदबाट राजिनामा दिएका उनीमाथि पूनः सोही प्रकृतिको आरोप लागेको हो । ति महिलाले समेत आफूलाई सन् २०१८ को अक्टोबर तथा नोभेम्बरमा मेयरले यौन हिंसा गरेको आरोप लगाएकी छन् ।

सरकारी वकिलको कार्यालयमा दर्ता गराइएको उक्त मुद्दा प्रहरीले अडियो सबुत पत्ता लगाएपछि पुनः प्रहरी समक्ष आइपुगेको छ । उक्त अडियो क्लीपमा उनले “खाना सँगै खाऔँ” तथा “के म तिम्रो लागि हाते ब्याग किनिदिन सक्छु” भनेको स्पष्ट सुन्न सकिन्छ ।

पूर्व मेयरले भने हालै आएका आरोपहरु प्रति आफू अनविज्ञ भएको बताएका छन् । उनी निकटका एक ब्यक्तिले कर्मचारीको कामको प्रभावकारिता हेरेर उनलाई प्रोत्साहन दिन त्यसो भनेको हुन सक्ने बताएका छन् ।

मेयरले भने कुनै गल्ति नै नगरि आफूले किन यति धेरै आरोपहरु खपिरहन परेको छ भन्दै दुःख ब्यक्त गरेका छन् । उनले छानविनमा पूरा साथ तथा सहयोग गर्ने समेत बताएका छन् । केही समय अघि अनुसन्धान टोलीले उनको कार्यकक्षमा छापा समेत मारेको उनले जानकारी दिएका छन् ।