दक्षिण कोरियामा बालिका बलात्कारीलाई १२ बर्षे जेल सजाय पश्चात पनि ७ बर्ष कर्फ्यु

सोल – दक्षिण कोरियामा बालिका बलात्कार मुद्दामा जेल सजाय भुक्तान गरि रिहा भएका चो डु सुनलाई थप ७ बर्ष बिभिन्न प्रकारका प्रतिबन्ध लगाइएको छ । एक ८ बर्षिया बालिका बलात्कार पश्चात उनलाई अदालतले जेल पठाएको थियो ।

६८ बर्षिय चो उक्त कसुरमा १२ बर्ष जेल सजाय भुक्तान गरि रिहा भएका थिए । उनी रिहा भएता पनि अबको ७ बर्ष सम्म रक्सी पिएर मात्न पाउने छैनन् । उनको ब्यक्तिगत सुचना लिनका लागि अदालतले ७ बर्ष सम्म विद्युतीय ब्याण्ड लगाउन निर्देशन समेत दिएको छ भने अबको ५ बर्षसम्म उनका ब्यक्तिगत विवरणहरु सार्वजनिक गराइने छ ।

सुवन जिल्ला अदालतले उनलाई बेलुका ९ बजेबाट बिहान ९ बजेसम्म बाहिर हिडडुल गर्न समेत प्रतिबन्ध लगाएको छ । उनले अब मधिरापान समेत इच्छा अनुसार गर्न पाउने छैनन् भने पिडितको घर वरपरको २०० मिटर क्षेत्रमा उनीले मधिरापान गर्न पाउने छैनन् ।

मधिरापान गर्नु परेमा अब उनले स्थानिय प्रशाशनको अनुमति अनिवार्य लिनु पर्ने छ । यदि त्यसो नगरेको पाइएमा ३ बर्ष सम्म कैद र १ करोड वोन जरिमाना तोकिएको छ ।

हाल उनी घरभित्रै बसिरहेका छन् । उनका गतिविधि नियमन गर्न सरकारले विशेष प्रहरी समेत परिचालन गरेको छ भने उनीमाथि हुनिक्ने आक्रामणबाट बचाउन विशेष निगारानी समेत बढाइएको स्थानिय प्रशाशनले बताएको छ ।