दक्षिण कोरियामा सेल्फ क्वारेन्टिन नियम नमान्ने एकजनालाई चार महिनाको जेल सजाय

सोल – दक्षिण कोरियामा क्वारेन्टिन नियमको उल्लङ्घन गर्द‌ै बाहिर घुमफिरमा निस्केका एक युवकलाई स्थानिय प्रशाशनले चार महिनाको जेल सजाय सुनाएको छ । होम आइशोलेशनमा बस्दै आएका उनी दुइपटक आइशोलेशन छोडेर बाहिर निस्केको पाइएको प्रहरीले बताएको छ ।

देशको रोग तथा प्रकोप नियन्त्रण केन्द्रले दिएको जानकारी अनुसार २७ बर्षका ति ब्यक्तिले सरकारको कोरोना नियन्त्रण अभियान अन्तरगतको निर्देशिकाको उल्लङ्घन गरेका कारण उनलाई जेल सजाय तोकिएको हो । उत्तरि सोलको उइजेङ्बु स्थित जिल्ला अदालतले एक पटक नियन्त्रणमा लिएर आश्रममा राख्दा पुनः भाग्ने प्रयास गरेका कारण उनलाई जेलमा राखिएको बताएको छ ।

अदालतले ति युवक कडा भन्दा कडा सजायका भागिदार भएको समेत बताएको छ । देशमा कोरोना संक्रमण दर उच्च बिन्दुमा पुगेका बेला उनी जस्ता युवाबाट त्यस किसिमको गतिविधि हुनु अत्यन्तै दुखद भएको बताउदै उनलाई कानुनी उपचारको बिकल्प नरहेको समेत अदालतले स्पष्ट पारेको छ ।

अस्पतालबाट होम क्वारेन्टिनमा पठाइएका उनी जम्मा दुई दिन मात्र घर बसेर बाहिर घुम्न निस्केका थिए । सो क्रममा उनी मसाज पार्लर, बिभिन्न स्टोर्स तथा अन्य भीडभाडयुक्त क्षेत्रहरुमा समेत घुम्न निस्किएका थिए ।