दक्षिण कोरियाकै सबैभन्दा ठूलो युनिक्लो स्टोर्स जनावरीबाट बन्द हुँदै

सोल – जापान र दक्षिण कोरियामा दुई देशका बीच भएको युद्ध पश्चात सम्बन्धमा खासै सुधार आउन सकेको छैन । उक्त युद्धका कारण हालसम्म पनि राजनितिक तिक्तता यथावत नै रहेको छ । सो युद्धको प्रत्यक्ष प्रभाव ब्यापारमा समेत परेको छ ।

पछिल्लो समयमा दुई देशका बीचको टकरावका कारण बन्द हुने स्थितिमा पुगेको एक प्रसिद्ध ब्यापारिक केन्द्र हो युनिक्लो स्टोर्स । दक्षिण कोरियाली शहर मियोङडोङमा रहेको उक्त स्टोर्स आगामी जनावरीको अन्त्यबाट बन्द हुने भएको छ ।

जापानी कपडाहरुको रिटेलर रहेको उक्त स्टोर्स दक्षिण कोरियाकै सबैभन्दा ठूलो स्टोर्स हो । कोरोना भाइरसका कारण बिक्री घटेको तथा जापानी सामान बहिस्कार आन्दोलन दक्षिण कोरियामा चलिरहेका कारण स्टोर्स बन्द हुने स्थितिमा पुगेको जानकारी सञ्चालकले दिएका छन् ।

युनिक्लो दक्षिण कोरियामा सस्तो जापानी फेशन वेयरका लागि प्रसिद्ध ठाउँ हो । पछिल्लो पटक कोरिया जापानका बीच रहेको टबरावका कारण यस स्टोर्सको लोकप्रियतामा समेत कमी आउदै गएको छ ।