दक्षिण कोरियाको कुल जमिनको ०.२५ प्रतिशत भुभाग को स्वामित्व आप्रवासी नागरिकमा

सोल – सन् २०२० को आधासम्म आइपुग्दा दक्षिण कोरियाको करिव ०.२५ प्रतिशत जमिन आप्रवासी नागरिकहरुले अरिद गरेको पाइएको छ । गत बर्षको तुलनामा यस बर्ष १.२ प्रतिशत बढी जमिन आप्रवासी नागरिकशरुले खरिद गरेका हुन् । हालसम्म आप्रवासीहरुले २५१.६ बर्ग किलोमिटर जमिन खरिद गरिसकेका छन् ।

दक्षिण कोरियाली भु, संरचना तथा यातायात मन्त्रालयका अनुसार दक्षिण कोरियाको उक्त भुमी खरिद बापत आप्रवासीहरुले करिव २८ बिलियन अमेरिकी डलर खर्च गरेका छन् ।

उक्त जमिन मध्ये सबैभन्दा बढी ५२.३ प्रतिशत अमेरिकी नागरिकहरुले खरिद गरेका छन् । चिनियाँ नागरिकहरुले करिव ७.९ प्रतिशत, जापानि नागरिकहरुले ७.३ प्रतिशत तथा युरोपेली नागरिकहरुले ७.२ प्रतिशत जमिन खरिद गरेका छन् ।

क्षेत्रगत रुपमा सबैभन्दा बढी जमिन बिक्री ख्योङ्गी प्रान्तमा भएको छ । त्यसपछि छेजु तथा अन्य क्षेत्रमा आप्रवासीहरुले जमिन खरिद गरेको सरकारी तथ्याङ्कमा उल्लेख गरिएको छ ।