दक्षिण कोरियाली कार निर्माताहरुको आमदानी ५ प्रतिशतले खुम्चियो

सोल – दक्षिण कोरियाली कार निर्माताहरुले गएको नोभेम्बरमा आफ्नो आमदानी गत बर्षको सोहि समयको तुलनामा ५ प्रतिशतले ५ प्रतिशतले खुम्चिएको बताएका छन् । कोरोना भाइरसका कारण कारहरुको माग कम भएका कारण ब्यापार खुम्चिएको कम्पनिहरुले बताएका छन् ।

दक्षिण कोरियाली कार निर्माता कम्पनिहरु हुण्डायी, किया मोटर्स, जीएम कोरिया, रेनल्ट सामसुङ मोटर्स कर्पोरेशन तथा साङयोङ मोटर्स कम्पनिले उक्त अवधिमा संयुक्त रुपमा ६ लाख ७४ हजार ४० युनिट कार बिक्री गरेका छन् । उक्त संख्या गत बर्षको सोही अवधिमा बिक्री भएको ७ लाख १० हजार ४४६ युनिट भन्दा ५ प्रतिशतले कम हो ।

समुद्रपारबाट माग कम हुँदा उत्पादनमा असर परेता पनि आन्तरिक रुपमा भने खपत बढेको कम्पनिहरुले बताएका छन् । गत बर्षको सोही अवधिमा १ लाख ३६ हजार ४१४ युनिट कार बिक्री भएकोमा यस बर्ष भने करिव ५ प्रतिशत बढी १ लाख ४३ हजार ५९१ युनिट कार विक्री भएका छन् ।

कोरोना भाइरसको प्रभाव हालसम्म पनि कायमै रहेको, तथा मागमा कमी आएका कारण उत्पादन समेत घटेका कारण बिक्रीमा कमी आएको कम्पनिहरुले बताएका छन् । आगामी दिनहरुमा अवस्था झन जटिल हुनसक्ने समेत उनीहरुले बताएका छन् ।