विश्व व्यापार संगठन (डब्लुटिओ) प्रमुखका लागि दक्षिण कोरियाली राष्ट्रपति मुनले मागे जर्मनिको सहयोग

सोल – दक्षिण कोरियाली राष्ट्रपति मुन जाइ इनले जर्मन चान्स्लर एञ्जेला मार्केलसँग दक्षिण कोरियाली ब्यापार मन्त्री यो म्युङ हीको विश्व व्यापार संगठनको नेतृत्व तर्फको यात्रामा सहयोग गर्न अनुरोध गरेका छन् । मुन र मार्केज बीचको उक्त कुराकानीलाई निकै अर्थपुर्ण रुपमा समेत हेरिएको छ ।

राष्ट्रपति मुनले करिव २० मिनेट लामो टेलिफोन कुराकानीका क्रममा हाल विश्व ब्यापार संगठनलाई हाँक्न सक्ने एक मात्र शशक्त प्रतिनिधि ही भएको बताएका छन् । योले विश्व व्यापार संगठनको गतिविधिमा विश्वशनियता ल्याउने समेत मुनले बताएका छन् ।

विश्व ब्यापार संगठन प्रमुखको दौडमा होका प्रतियोगिका रुपमा नाइजेरिया, केन्या, साउदी अरब तथा बेलायतबाट रहेका छन् । यी देशका प्रतिनिधिहरु दोश्रो चरणको छनौटमा पुगिसकेका छन् । उक्त छनौट आगामी मंगलबार हुँदै छ ।

दोश्रो चरणको छनौटबाट ५ मध्ये ३ उम्मेद्वारहरुलाई अयोग्य ठहराइने छ र बाँकी २ जनाबाट १ जनालाई १६४ देशका प्रतिनिधिहरुको साझा निर्णयबाट विश्व ब्यापार संगठनको प्रतिनिधि बनाइने छ । उक्त निर्णय नोभेम्बरको पहिलो साता हुन सक्ने समाचारमा बताइएको छ ।

मार्केलले जवाफमा यो उक्त पदका लागि योग्य उम्मेद्वार रहेको तथा उनीमा बिज्ञता समेत रहेको बताएकी छन् । यो ७० बर्षे कोरियाली इतिहासमा ब्यापार क्षेत्रमा उच्च पद प्राप्त गर्ने पहिलो महिला समेत रहेकी छन् ।

यस अघि नै योको समर्थनमा अमेरिका, चीन, सिङ्गापुर, बेल्जियम लगायतका देशहरुले हात उठाइसकेका छन् ।