संयुक्त राष्ट्रसंघले उत्तर कोरियाका मानव अधिकारसम्बन्धि मुद्दा सम्बोधन गर्ने

सोल – आगामी १५ सेप्टेम्बरमा आयोजना हुने राष्ट्रसंघीय महासभामा उत्तर कोरियामा मानव अधिकारको स्थिति बारे छलफल हुने संयुक्त राष्ट्रसंघको सचिवालयले जनाएको छ ।
संयुक्त राष्ट्रसंघका उत्तर कोरिया हेर्ने अधिकारी थोमस ओज्या क्वन्टिनाले प्रस्तुत गर्ने प्रतिवेदनलाई आधार मानेर राष्ट्रसंघिय महासभाको तेश्रो शत्रमा राष्ट्रसंघका महासचिव एन्टोनियो गुटेरसले सम्बोधन गर्ने सचिवालयले जनाएको छ ।
संयुक्त राष्ट्रसंघले उत्तर कोरियामा भइरहेका मानव अधिकार हननका घटना बारेको प्रतिवेदन तयार भइसकेको तथा उक्त सम्बन्धमा राष्ट्रसंघमा बहस समेत चलिरहेको जनाएको छ ।
संयुक्त राष्ट्रसंघले सन् २०१४ मा उत्तर कोरियाले गरेका गम्भिर प्रकृतिका मानव अधिकार उल्लङ्घनका घटनालाई लिएर अन्तराष्ट्रिय अपराध अदालत सम्म मुद्दा चलाएको थियो । उत्तर कोरियाले आफू आफ्ना गतिविधिहरुमा सुधार ल्याउने प्रतिवद्दता पश्चात मुद्दा फिर्ता लिइएको थियो ।
यता मानव अधिकार कर्मीहरुले भने उत्तर कोरियाली तानाशाह किम जोङ उन आफणना नागरिकहरु प्रति अत्यन्त गैर जिम्मेवारी रहेको बताएका छन् । उनीहरुका अनुसार किमलाई जनताबारे कुनै वास्ता छैन । हालसालै गएको बाढी प्रभावित जनतालाई कुनै पनि सम्बोधन नगरेको तथा कोरोना संक्रमण नियन्त्रणमा पनि खासै भुमिका नखेलेको आरोप लगाइएको छ ।
पछिल्लो पटक अन्तराष्ट्रिय सहयोगी संस्थाहरुले सहयोग गर्न गरेक‍ो प्रस्तावलाई किमले ठाडै अस्विकार गरेका थिए । उनले आफ्नो प्रशाशनलाई कुनै प्रकारको अन्तराष्ट्रिय सहयोग तथा साहायता नलिन ठाडो आदेश समेत दिएका थिए ।