सम्बन्धलाई थप मजवुत बनाउन किम र पुटिन तयार

सोल – उत्तर कोरियाली सर्वोच्च नेता किम जोङ उन तथा रसियाली राष्ट्रपति भ्लादिमीर पुटिनले हाल भइरहेको सम्बन्धलाई आगामी दिनमा थप शशक्त बनाएर लैजानु पर्ने बताएका छन् । जापानबाट कोरिया स्वतन्त्र भएको ७५ औँ बर्ष पार गरेको अवसरमा शुभकामना आदान प्रदान गर्ने क्रममा उनीहरुले सो प्रतिवद्धता जनाएका हुन् ।
शुभकामना आदान प्रदानका क्रममा पुटिन तथा किमले गत बर्ष रसियामा भएको भेटका क्रममा गरिएका विभिन्न आपसी सहयोग र सहकार्यलाई आगामी दिनहरुमा थप मजबुत बनाएर लैजाने सहमति समेत भएको उत्तर कोरियाली सरकारी सञ्चार माध्यम केसिएनएले जनाएको छ ।
किमले आफ्नो शुभकामना सन्देशमा किमको कार्यकालमा भइरहेको प्रगतिको प्रशंशा गर्दै आगामी दिनमा अझ प्रगतिशील उपलब्धिहरु हाँसिल हुन् तथा दुई देशको दौत्य सम्बन्ध अझ सुमधुर बन्ने विश्वास गरिएको केसिएनएले जनाएको छ ।
किम पहिलो पटक सन् २०१९ मा रसिया भ्रमणमा गएका थिए भने उक्त भ्रमणमा किम र पुटिन बिच आपसी सहकार्य लाई थप सुदृढ बनाएर लैजाने प्रतिवद्धता भएको थियो ।