कोरियाली पप ब्याण्ड बिटिएस’को ‘डाइनामाइट’ बिलबोर्ड हटमा

सोल – दक्षिण कोरियाली प्रसिद्ध पप ब्याण्ड बिटिएस आफ्नो नयाँ गीत ‘डाइनामाइट’ सँगै संयुक्त राज्य अमेरिकाको ‘ बिलबोर्ड हट १००’ को पहिलो स्थानमा उक्लन सफल भएको छ ।

दक्षिण कोरियाली साङ्गितिक इतिहासमा बिलबोर्ड हट १०० को पहिलो स्थानमा उक्लने बिटिएस नै पहिलो ब्याण्ड हो ।

यस अघि पनि दक्षिण कोरियाली गीतहरुले अमेरिकी सांगितिक क्षेत्रमा धमाका मच्चाएका छन् तर बिलबोर्ड हट १०० को पहिलो स्थानमा पुग्ने बिटिएस पहिलो ब्याण्ड हो । यस अधि साइको ‘ग्याङ्नम स्टाइल’ ले सन् २०१२ मा बिलबोर्डको दोश्रो स्थानसम्म उक्लन सफल भएको थियो ।

हाल सम्म उक्त सुचीको पहिलो स्थानमा एसियाबाट जम्मा एउटा गित पुगेको छ । सन् १९६३ मा जापानी गायक क्यु साकामोतोले गाएको ‘सुकियाकी ‘ बाहेक एसियाबाट नै बिटिएस पहिलो ब्याण्ड भएको समेत समाचारमा जनाइएको छ ।

उक्त गितले युट्युबमा समेत तहल्का मच्चाएको छ । प्रिमियरमा नै ३० लाख बढीले हेरेको उक्त गित रिलिज भएको २४ घण्टा नबित्दै १० करोड बढीले हेरिसकेका छन् ।

गितको सफलतालाई लिएर बिटिएस तथा उनीहरुको आधिकारिक कम्पनि बिग हिट इन्टरटेन्मेन्टले सामाजिक सञ्जाल मार्फत सम्पुर्ण दर्शकहरुलाई धन्यवाद दिएका छन् । उनीहरुले गितको सफलताको खुसी पनि सामाजिक सञ्जाल मार्फत नै बाँडेका छन् ।