अमेरिकन आइडलको शीर्ष १० का लागि नेपाली गायक दिवेशको भोट अपिल

काठमाडौं – नेपाली युवा गायक दिवेश पोख्रेल (अर्थर गन)ले अमेरिकन आइडलको शीर्ष १० को छनोटका लागि भोटको अपिल गरेका छन् । आइतबारको प्रस्तुतिसँगै विश्वप्रख्यात गायन रियालिटी सोमा भोटिङ सुरु भएसँगै उनले आफूलाई भाट गर्न अपिल गरेका हुन् ।

एलिमिनेसन राउन्डबाट अघि बढ्न आफूलाई भोटको आवश्यकता रहेको दिवेशले सामाजिक सञ्जाल इन्स्टाग्राममा भनेका छन् । भोटले नै २० जना प्रतिस्पर्धीमा शीर्ष १० मा पुर्‍याउने छ ।

कोरोना भाईरसको संक्रमणका कारण रियालिटी सोमा प्रतिस्पर्धीहरु आ आफ्नो घरबाटै जोडिनेछन् । कोरोना भाइरसको महामारीका बीच पनि सोले आफ्नो बाँकी प्रस्तुती प्रशारणमा ल्याउने भएको हो ।

आफ्नो प्रस्तुतिले सोका निर्णायक लायोनल रिची, केटी पेरी र लुक ब्रायनको मन जित्न सफल दिवेशले आइडलमा प्रवेश गरेसँगै लाखौं फ्यान कमाएका छन् ।