कोरियन आइडल ग्रुप विटिएसको ‘लभ योरसेल्फ’ विश्व यात्रा

सोल-कोरियाली पप संगित के पपको महाराजा भनेर चिनिने विटिएसद्धारा सन् २०२० को अप्रिल महिनाबाट विश्व भ्रमणको घोषणा गरेको छ ।

आफ्ना सांगितिक प्रस्तुतिहरुद्धारा श्रोता दर्शकहरुको मन मुटुमा बस्न सफल विटिएसले सांगितिक यात्रा गर्न लागेको हो ।

‘म्याप अफ द सोल’ नाम दिइएको उक्त सांगितिक यात्रा अप्रिल ११, १२ र १८,१९ मा सोल ओलम्पिक रंगशालामा चार वटा कन्सर्ट गरे सँगै सुरु हुने छ । यो सांगितिक यात्रा विश्वभरका १७ वटा शहरहरुमा ३७ वटा कन्सर्ट गरेर समापन गरिने आयोजकले जनाएको छ ।

कन्सर्टहरु अमेरिका, जापान, क्यानडा, बेलायत, जर्मनी तथा स्पेनमा हुने जानकारी कार्यक्रमका आयोजकले बताएका छन् ।

२५ अप्रिलमा सान्टाकाराबाट सुरु हुने उक्त कन्सर्ट लस एन्जलस, डल्लास, ओर्लाण्डो, एट्लान्टा, न्यु जर्सी, वासिङ्टन डि.सी तथा सिकागो मा सम्पन्न गरिने छन् ।

फुकुओकामा अर्को कन्सर्ट गरे पछि टोली टोरोन्टो हुदै बर्लिन तथा वार्सिलोनाको कन्सर्टका लागि अगाडि बढ्ने छ ।

जापानको ओसाका, साइतामा तया टोक्यो लगायतका शहरहरुमा आफ्ना प्रस्तुति दिए सँगै विटिएस यात्रा सकिने आयोजकका एक सदस्य विग हिट्सले जानकारी दिए ।

‘लभ योरसेल्फ’ थिममा गत बर्ष गरिएको विश्व भ्रमणमा करिव २० लाख फलोअर्स कमाएको विटिएस ले ६२ वटा कन्सर्ट गरेको थियो भने यस बर्ष अझ सशक्त हुने पनि उनले बताए ।