कोरियामा अनुजको ‘नजर’

सोल-रोजगारीको सिलसिलामा कोरिया आएका नव गायक अनुज जोशीको पहिलो गीत ‘नजर’ यूट्युव च्यानलबाट सार्वजनिक भएको छ। ‘नजर भन्छ इजाजत छ, अधर भन्छ इजाजत छ, किन रोक्छ्यौ तिमी ब्यर्थै, भनन प्रेममा स्वागत छ |’ बोलको गीतलाई गायक जोशीले केही अघि मात्रै नेपाल गएको समयमा रेकर्ड गराएका थिए।

बोल्ड भ्वाईसका गायक जोशीले स्वर दिएको, उक्त गीतमा आनन्द अधिकारीको शब्द र दिपक शर्माको संगीत रहेको छ। सानै उमेर देखि गायनमा रुची राख्ने जोशीले आफ्नो रहर मात्र नभएर नेपाली संगीतका लागि केही योगदान गर्न सकियोस भन्ने चाहले समेत उक्त गीत रेकर्ड गराएको बताउँछन्।

गीतको भिडियो सिक्किम र पोखराको बिभिन्न स्थानहरूमा छायाङ्कन गरिएको छ। भिडियोलाई प्रसन्न पौडेलले निर्देशन् गरेका छन्। बिदुर पाण्डेको छायाङ्कन, टेकेन्द्र साहको सम्पादन रहेको उक्त भिडियोमा प्रमोद भार्द्वाज र अस्मिता केसीको अभिनय देख्न सकिनेछ।

राम्रो सम्भावना बोकेका नव गायक जोशी, सुदुर पश्चिमको लोटस यूथ कल्वले आयोजना गरेको भ्वाईस अफ टिकापुर नामक गायन प्रतिस्पर्धाको बिजेता पनि हुन्।

नजरको भिडियो हेर्न तलको लिङ्क खोल्नुहोस्