सुम्निमा सांगीतिक सौगात भाग-३ को तयारी तिब्र

सोल – किराँत राई यायोक्खा दक्षिण कोरियाले “दीर्घकालीन तथा ब्यवस्थित सुम्निमा घर (सेल्टर) निर्माण सहयोगार्थ” कोरियाली नयाँ बर्ष सलनालको उपलक्ष्यमा जनवरी २८ तारिकका दिन आयोजना गर्न लागेको सुम्निमा सांगीतिक सौगात भाग-३ को तयारी तिब्र पारेको छ |

कोरियामा नेपाली कामदारको संख्या दिनानुदिन बढ्दो सँगै बिभिन्न समस्याहरु पनि बढिरहको छ बिशेष त कम्पनी परिबर्तनको बेला बस्नेको अशुबिधालाई मध्य नजर गर्दै बिरामी र महिलाको लागि छुट्टा-छुट्टै कोठा भएको ब्यवस्थित सुम्निमा घर (सेल्टर) निर्माणको लागि सहयोगार्थ उक्त कार्यक्रम गर्न लागेको कुरा कार्यक्रमको संयोजक लोचन राईले जानकारी दिए |

कोरियामा यस्ता सेल्टरहर धेरै भए पनि बिरामी र महिलाको लागि छुट्टै ब्यबस्थित र सुबिधाजनक सेल्टर नभएकोले यो नै पहिलो पटक कोरियामा यस्तो सेल्टरको निर्माण गर्न लागेको र किराँती संस्कृति सम्वन्धीको कलाकृति, भेष भूषा र बाजागाजाहरु पनि सँगै राखिने भएको हुँदा सुम्निमा घरको नामकरण गरिएको संस्थाले जनाएको छ |

 
उक्त कार्यक्रमलाई भब्य बनाई दर्शकहरुलाई भर पुर मनोरञ्जन दिनका लागि नेपालका बहुचर्चित तथा नव प्रतिभाका कलाकारहरु आउने भएका छन |

अहिलेका बहु चर्चित भर्सल टाईल गायक: राजेश पायल राई, स्वीट भोईस: मिलान आमात्य, चर्चित लोक गायिका तथा उदघोषिका: कोमल ओली, चर्चित हास्य कलाकार: राजा राजेन्द्र पोखरेल, दोहोरी गायिका: प्रीति आले मगर, चर्चित डान्सर तथा मोडेल: रंजीता लिम्बु, चर्चित गायिका: कला राई, र अन्य नव प्रतिभाका कलाकारहरु: मीना राई, भीम लिम्बु, राजेश राई रहेका छन।