तेरिया उपाधि नजिक , सबैलाई भोट गर्न आग्रह

काठमाडौं- भारतीय टेलिभिजन च्यानल कलर्सबाट प्रसारण भइरहेको डान्स रियालिटी सो ‘झलक दिखलाजा’को फाइनलमा पुगेकी नेपाली कलाकार तेरिया फौजा मगरलाई जिताउन परिवारले आह्वान गरेको छ।

नेपालमा मोबाइलबाट भोटिङ गर्न सम्भव नहुने भएकाले कलर्स च्यानलको आधिकारिक वेबसाइटबाट भोट दिन आग्रह गरे। जनवरी १४ बाट सुरु भएको भोटिङ आगामी बिहीबार राति ९ बजेसम्म खुला रहनेछ।

तेरियालाई भोट गर्न मोबाईलको म्यासेज बक्समा गएर ‘TER’ टाईपगरी ‘५६८८२’ मा पठाउन सकिनेछ । तर यो सुविधान भारतबाट मात्र गर्न सकिनेछ । भारतीय सिम कार्डबाट भोट गर्न सकिनेछ । एकैसिम कार्डबाट एक सय पटक सम्म गर्न सकिनेछ ।

त्यस्तै नेपालबाट तथा अन्य देशबाट अनलाईन मार्फत भेट गर्न सकिनेछ । त्यसको लागि कलर्स टिभिको www.colorstv.com/jhalak  http://www.colorstv.com/mena/jhalak-dikhhla-jaa/ लिंकमा गएर क्लिक गर्ने, यसपछि होम पेजको दाँयातिर भोटिङमा क्लिक गरेपछि तेरिया लगायत अन्य तस्विरहरु देखिन्छन्। यसको ठिक माथि लग इन भन्नेमा गएर पुनः किल्क गर्ने । त्यसपछि फाइल खुल्छ त्यहाँ फेसबुक, ट्विटर र ईमेल आफूले कुन माध्यम मार्फत तेरियालाई भोट गर्ने हो निश्चित भएर भोट दिन सकिनेछ । एउटा अनलाइन पिसीबाट पनि एक सय पटकसम्म भोट गर्न सकिनेछ |
‘झलक दिखलाजा’मा भारतमा रहेका सेलिब्रेटीको मात्र सहभागिता छ। यो सोमा तेरियाको जोडीका रुपमा आर्यन छन्। फाउन्डेसनका अनुसार प्रतियोगिताको फाइनल आगामी शनिबार अर्थात् जनवरी २१ मा मुम्बईमा हुँदै छ।

तेरियाले सन् २०१२ मा भारतकै अर्को टेलिभिजन च्यानल जिटिभीको डान्स रियालिटी ‘डिसिजन ३’को शीर्ष उपाधि जितेकी थिइन्।