कक्षा १२ को परीक्षा साउन अन्तिम साता

काठमाडौँ- कक्षा १२ को अन्तिम वार्षिक परीक्षा साउन अन्तिम साताबाट सञ्चालन गर्ने प्रस्ताव गर्दै सरकारसँग राष्ट्रिय परीक्षा बोर्डले अनुमति मागेको छ ।

बोर्डले भौतिक रूपमा नै परीक्षा सञ्चालन गर्ने भन्दै परीक्षाका लागि अनुमति मागिएको जनाएको छ ।

परीक्षा सञ्चालनका लागि सरकारले अनुमति दिएलगत्तै आफूहरूले परीक्षाको प्रक्रिया अगाडि बढाउने बोर्डका अध्यक्ष प्रा.चन्द्रमणि पौडेलले जानकारी दिएका छन् ।

लाखौँ विद्यार्थी सहभागी हुने परीक्षा भएका कारण अनलाइन माध्यमबाट परीक्षा सञ्चालन गर्न नसकिने अध्यक्ष पौडेलले स्पष्ट गरेका छन् । बोर्डले केही समय ढिला भए पनि भौतिक रूपमा नै परीक्षा सञ्चालन गर्ने योजना बनाएको छ ।