कोरियाली भाषा सिक्न आएर अबैधानिक हुनेलाई कडाइ गरिने

सोल-दक्षिण कोरियाली शिक्षा मन्त्रालयका अनुसार अध्ययन गर्न आउने विदेशी बिद्यार्थीहरु मध्ये १० जनामा २ जना अबैधानिक हुने गरेको जनाएको छ।

मन्त्रालयका अनुसार कोरियाका बजेट कम भएका विश्वविद्यालयहरुले आफ्नो खर्च धान्न त्यस्ता विद्यार्थीहरुलाई भर्ना गर्ने गरेको जनाएको हो ।

सरकारी अध्ययनका अनुसार कोरियामा प्रत्येक बर्ष करिव १ लाख ६० हजार विदेशी विद्यार्थिहरु अध्ययनका निम्ति आउछन् र त्यसमध्ये करिव ४४ हजार चाही भाषा अध्ययनका लागि आउने गरेका छन् ।

कोरियाली सरकारी अधिकारीका अनुसार गैरकानुनी बिद्यार्थीका कारण शिक्षा नितीमा नै असर गर्न लागेको भन्दै अव भने त्यसमा कडाइ गर्न लागिएको छ ।

सरकारी अधिकारीका अनुसार सरकारले आफ्नो शिक्षा नितीमा परिमार्जन गर्दै राम्रो छवि भएका स्तरिय विश्वविद्यालयहरुलाई सरकारले विशेष प्राथमिकतामा राखिने पनि जनाएका छन् र ति विश्वविद्यालयहरुलाई भिसा पनि उपलब्ध गराइने समेत उल्लेख गरेका छन् ।

सरकारले फितलो पाठ्यक्रमका कारण गैरकानुनी बिद्यार्थी बढेको जनाउदै चाँडै नै विश्वविद्यालयहरुका पाठ्यक्रम अध्ययन गरि आवश्यक सुधार गर्ने समेत जानकारी दिएको छ ।

सरकारी अधिकारीका अनुसार कोरियामा अध्ययन गर्न आउने बिदेशीहरु गैरकानुनी रुपमा काम गर्दै आएको जनाउदै अब यसमा समेत कडाइ गरिने जानकारी दिइएको छ ।