मा. प. से. गरि कार्यक्रममा आउने प्रधानाध्यापक पक्राउ

खोटाङ-दिक्तेलस्थित एक होटलमा आयोजित शैक्षिक गुणस्तर अभिवृद्धि कार्यक्रमा मादक पदार्थ सेवन गरि कार्यक्रममा आउने प्रधानाध्यापक पक्राउ परेका छन्। पक्राउ पर्नेमा दिक्तेल रुपाकोट मझुवागढी नगरपालिका-९ निर्मलीडाँडास्थित मुलाबारी आधारभूत विद्यालयका प्रधानाध्यापक खम्बराज राई  हुन्।

शैक्षिक गुणस्तर अभिवृद्धिका लागि नगरपालिका र नगर क्षेत्र भित्र रहेका आधारभूत तह कक्षा १ देखि ५ सम्मका प्रधानाध्यापकबीच कार्यसम्पादन करार सम्झौता गर्न आयोजित कार्यक्रममा उनी मादक पदार्थ सेवन गरेर आएपछि झण्डै एक घण्टापछि कार्यक्रम शुरु गारिएको थियो।

जिल्ला अस्पताल खोटाङमा गरिएको स्वास्थ्य परीक्षणमा प्रअ राईले मादक पदार्थ सेवन गरेको देखिएको छ। अहिले प्रअ राईलाई हिरासतमा राखिएको छ।

प्रधानाध्यापक राई यसअघि गाउँमा रहँदा पनि चौबीसै घण्टा मातेर हिँड्ने गरेको स्थानियबासी र अभिभावकले बताएका छन्।