क्रान्तिकारीको पत्र सीटीईभीटीलाई

काठमाडौ-प्राबिधिक शिक्षा तथा व्यवसायिक तालिम परिषद् (सीटीईभीटी ) सानोठिमी भक्तपुरले मापदण्ड बिपरित बिद्यार्थीहरुबाट शुल्क असुलेको भन्दै अखिल (क्रान्तिकारी) क्षेत्रिय समन्वय समितिले सिटिईभिटीका सदस्य सचिव पुष्परमन वाग्लेलाई ध्यानाकर्षण पत्र बुझाएकाे छ ।

संयोजक सुनिल बन्जाडेद्वारा जारि ध्यानाकर्षण पत्रमा प्राविधिक शिक्षा मार्फत राज्यलाई आवश्यक जनशत्ति उत्पादन गर्ने सीटीईभीटी राज्यका जिम्मेवार निकायहरुकाे गैरजिम्मेवारी,लाचारी र भ्रष्ट मानसिकताले शैक्षिक माफियाको केन्द्र बिन्दु भएको आरोप लगाउदै सीटीईभीटी सबै जनताकाे पहुँचमा हुनुपर्नेमा केही अमुक वर्गकाे बन्दै गएकाेप्रति खेद व्यत्त गरेका छन् ।

पछिल्लो बर्षहरुमा शैक्षिक सत्रको सुरुवात संगसंगै सिटिईभिटीबाट सम्वन्धन प्राप्त कलेजहरुले मनोमानी ढंगले मापदण्ड बिपरित शुल्क बृद्दिगरि आम गरिब का छोराछोरीहरुलाई दिनदहाडै लुट्पाट गरिरहदा समेत सीटीईभीटी प्रशासन निरिह र निकम्मा बन्नुले गम्भीर बनाएको ध्यानाकर्षणपत्रमा उल्लेख छ ।

सीटीईभीटीबाट सम्वन्धन प्राप्त कलेजहरुले बिधार्थीहरुबाट मापदण्ड बिपरित असुलेको शुल्क तुरुन्त फिर्ता गर्न चेतावनी दिदै अन्यथा भ्रष्ट शैक्षिक माफियाहरुलाई बडार्ने चेतावनी समेत ध्यानाकर्षणपत्रमा उल्लेख छ । पछिल्लाे समय सीटीईभीटीद्वारा सम्बन्धन प्राप्त कलेजहरुले मनाेमानी ढंगबाट शुल्क असुल गरिहेका छन् ।