आज वि.सं.२०८० साल असाेज ५ गते शुक्रवारको राशिफल

वि.सं.२०८० साल असाेज ५ गते । शुक्रवार । ईश्वी सन् २०२३ सेप्टेम्बर २२ तारिख ।

मेष(चू,चे,चो,ला,लि,लू,ले,लो,अ)

चुनौतीहरू स्वतः हट्नेछन् भने अवसर तथा सफलताले पछ्याउनेछन् । मिहिनेत परे पनि भाग्यले सफलताको उचाइमा पुर्याउनेछ । तर स्वास्थ्य कमजोर रहनाले काम पूरा गर्न समय लाग्नेछ । जिम्मेवारी बढे पनि न्यून उपलब्धिमा चित्त बुझाउनुपर्ने परिस्थिति देखिन्छ । स्वास्थ्यका लागि आहारविहारमा विशेष ध्यान पुर्याउनुहोला ।

बृष (ई,ऊ,ए,ओ,वा,वी,वू,वे,वो)

आतिथ्यपूर्ण सत्कार पनि पाइनेछ । प्रेम र मित्रताको बन्धन कसिनेछ । धनलाभ हुनेछ र विभिन्न भौतिक वस्तुहरू जुटाउन सकिनेछ । रमाइलो यात्रा र मनोरञ्जनको आनन्द लिने समय छ । तर प्रतीक्षित नतिजा कमजोर देखिनाले काम दोहोर्याउनुपर्ला । अर्थहानि हुन सक्छ । स्वास्थ्यमा कमजोरी देखापर्न सक्छ । स्वास्थ्यका लागि खानपानमा ध्यान पुर्याउनुहोला ।

मिथुन(का,की,कू,घ,ङ,छ,के,को,हा)

व्यापार र पेसाबाट प्रशस्त लाभ हुनेछ । आफन्तसँग सुमधुर सम्बन्धका लागि व्यवहारमा ध्यान पुर्याउनुहोला । पशुपालन तथा कृषि क्षेत्रबाट पनि फाइदा उठाउन सकिनेछ । मिहिनेतीहरूका लागि समय निकै उत्साहजनक रहनेछ । पराक्रमद्वारा अधिकार स्थापित गर्न सकिनेछ ।
प्रतिस्पर्धामा विजय प्राप्त हुनेछ भने द्वेष तथा ईर्ष्या गर्नेहरूले हार खानेछन् ।

कर्कट (ही,हू,हे,हो,डा,डी,डु,डे,डो)

रोकिएका काम बन्नाले नयाँ कामतर्फ अग्रसर भइनेछ । पुरुषार्थद्वारा शत्रुको मनोबल कमजोर बन्नेछ । पेसा-व्यवसायतर्फ मनग्य फाइदा उठाउन सकिने समय छ । प्रतिष्ठित काम सम्पादन गर्ने मौका छ । फाइदाको स्रोत पहिल्याउन सकिनेछ । सेवामूलक कामबाट धनलाभ हुनेछ । स्वास्थ्य सबल रहनेछ । अध्ययनमा राम्रो उपलब्धि प्राप्त हुनेछ ।

सिंह (मा,मी,मू,मे,मो,टा,टी,टू,टे)

अभिव्यक्ति र लेखन कलामा पनि निखारता आउनेछ । काममा शुभचिन्तकहरूको सहयोग जुट्नेछ । आम्दानीका स्रोत बढ्नेछन् । अरूलाई दिएको वचन पूरा गर्न नसक्दा मन खिन्न रहला । बिहान घरेलु काममा अलमलिनुपरे पनि दिन उपलब्धिमूलक रहनेछ । अध्ययनको नतिजा राम्रो आउनेछ । पढाइको लगावले बौद्धिक क्षेत्र फराकिलो बन्नेछ ।

कन्या (टो,पा,पी,पू,ष,ण,ठ,पे,पो)

मिहिनेतले दिगो फाइदा दिलाउनेछ । छोटो समयमै राम्रो प्रतिफल प्राप्त हुनेछ । नयाँ काम र व्यापारमा बिहानको समय अनुकूल रहनेछ । दिउँसोदेखि आफन्त र साथीभाइसँग सन्तुलित व्यवहार गर्नुपर्ने समय छ । अरूकाे विवाद मिलाउन अघि नसर्नुहाेला । परिस्थितिसँग सम्झौता गर्नुपर्ने हुन सक्छ । तत्कालको फाइदा हेर्दा पछिलाई घाटा हुन सक्छ ।

तुला (रा,री,रु,रे,रो,ता,ती,तू,ते)

दिगो काम प्रारम्भ हुनाले आम्दानीका स्रोत बढ्नेछन् । व्यापार तथा साझेदारीमा लाभ हुनेछ । मिहिनेत गर्दा काममा अनुमानभन्दा बढी फाइदा उठाउन सकिनेछ । लाभांशबाट अरूको समेत सेवा गर्न सकिनेछ । अध्ययनमा प्रगति हुनेछ । लेखन कला र अनुभवलाई पनि निखार्ने अवसर प्राप्त हुनेछ । विविन्न भौतिक सुविधाका वस्तुहरू जुटाउन सकिनेछ ।

बृश्चिक (तो,ना,नी,नू,ने,नो,या,यी,यू)

प्रयत्न गर्दा रचनात्मक कार्य शुभारम्भ गर्न सकिनेछ । पारिवारिक जमघटका बीच स्वादिष्ट भोजनको आनन्द प्राप्त हुनेछ । इच्छाशक्ति बढ्नुका साथै कीर्तिमानी कामको यश लिने अवसर प्राप्त हुनेछ । तर ईर्ष्या गर्नेहरूले भने दुःख दिनेछन् । आत्तिने बानीले बोलीको गलत अर्थ लाग्न सक्छ । वादविवादमा परिने सम्भावना देखिएकाले कम बाेल्नु राम्राे हुनेछ ।

धनु (ये,यो,भा,भी,भू,ध,फा,ढा,भे)

केही अवसर प्राप्त हुनेछन् तर काम राेकिन सक्छ । आश्वासन दिनेहरूले प्रतिबद्धता पूरा नगर्न सक्छन् । हल्लाको भरमा अरूको विश्वास गर्दा धोका हुन सक्छ । सुरुमा खर्च बढ्नुका साथै अर्थअभावले सताउन सक्छ । फाइदाका लागि दोहोर्याएर प्रयत्न गर्नुपर्ला । अरूको विश्वासमा पर्दा धोका हुन सक्छ । टाढाका साथीभाइसँग सम्पर्क बढ्नाले यात्रा सम्भावना देखिन्छ ।

मकर (भो,जा,जी,जू,जे,जो,ख,खी,खू,खे,खो,गा,गी)

विशेष भेटघाटले काममा उत्साह बढाउला । आम्दानीका नयाँ स्रोत फेला पर्नेछन् । अरूलाई प्रभावित पारेर फाइदा उठाउने समय छ । व्यापार, साझेदारी र सट्टापट्टामा लाभ मिल्नेछ । रोकिएको काम बन्नेछ भने जिम्मेवारी बढ्न सक्छ । तर सानाे काममा बढी रकम बाहिरिन सक्छ । आर्थिक समस्याले अलि दु:ख पाइनेछ । खर्च बढ्नाले अर्थ संग्रहमा बाधा पुग्नेछ ।

कुम्भ(गू,गे,गो,सा,सी,सू,से,सो,दा)

आजको मिहिनेतले भविष्यमा नाम र प्रतिष्ठा दिलाउन सक्छ । पुराना कामको चर्चा हुनेछ भने मिहिनेत गर्दा उपलब्धिको स्रोत प्राप्त हुनेछ । विभिन्न अवसरले पछ्याउनेछन् भने भविष्यका लागि जग बसाउने मौका छ । तर अवसर आए पनि जिम्मेवारी सम्हाल्न बाधा पर्नेछ । उठ्नुपर्ने रकम पनि अड्किन सक्छ । अरूका काममा समय खर्चनुपर्दा आफ्ना काम रोकिन सक्छन् ।

मीन(दी,दू,थ,झ,ञ,दे,दो,चा,ची)

विशेष कामको यश लिने सौभाग्य प्राप्त हुनेछ । शुभचिन्तकहरूले साथ दिनेछन् भने भविष्यका लागि कर्मनिश्चय गर्ने समय छ । प्रयत्न गर्दा लक्ष्यमा पुग्न सफलता मिल्नेछ । भाग्योन्नतिको समय छ । पहिलेकाे उपलब्धिले उत्साह जगाउनेछ । एउटै कामबाट दोहोरो फाइदा उठाउन सकिनेछ । सामाजिक काममा रुचि बढ्नेछ । आध्यात्मिक चेतनाले धर्मकर्म र सेवामा प्रवृत्त गराउनेछ ।