आज वि.सं.२०८० साल भदाै १७ गते आइतवारको राशिफल

वि.सं.२०८० साल भदाै १७ गते । आइतवार । ईश्वी सन् २०२३ सेप्टेम्बर ३ तारिख ।

मेष(चू,चे,चो,ला,लि,लू,ले,लो,अ)

सहयोगीहरूले साथ दिनेछन् । आम्दानी बढाउने काम सुरु गर्न सकिनेछ । प्रेम र मित्रताको बन्धन कसिनेछ । भौतिक साधनले जीवनशैलीमा परिवर्तन आउन सक्छ । कामका लागि रकम जोहो गर्ने समय छ । आफन्त र परिवारबाट टाढिनुपरे पनि दिन उपलब्धिमूलक रहनेछ । टाढाका साथीभाइको निम्तो प्राप्त हुनेछ । अवसरको खोजीमा दौडधुप भने गर्नुपर्ला ।

बृष (ई,ऊ,ए,ओ,वा,वी,वू,वे,वो)

आवश्यक भौतिक साधन सजिलै जुट्नेछन् । आम्दानी बढ्नाले उत्साह जाग्नेछ । श्रमको उचित मूल्य पाइनेछ । व्यापारमा राम्रै फड्को मार्न सकिनेछ । मिहिनेत गर्दा आम्दानीका स्रोत फेला पर्नेछन् । साँझदेखि खर्च बढ्नाले अर्थ अभाव देखा पर्न सक्छ । आँटेको काममा बाधा हुन सक्छ । आवश्यकता पूरा गर्न सरसापट वा ऋण लिनुपर्ने हुन सक्छ । सोखले फजुल खर्च बढाउनेछ ।

मिथुन(का,की,कू,घ,ङ,छ,के,को,हा)

आम्दानीका नयाँ स्रोत फेला पर्नेछन् । कर्मयोगले नाम, दाम र इनाम दिलाउन सक्छ । अवसरले पछ्याउनेछन् भने दिगो काममा जग बसाउने अवसर प्राप्त हुनेछ । तर अरूका काममा समय खर्चनुपर्दा पछि परिनेछ । सामाजिक जिम्मेवारी पूरा गर्नमा बाधा हुनेछ । अवसरवादीहरूले कमजोरीको फाइदा उठाउने चेष्टा गर्नेछन् । पेसा-व्यवसायमा कम मात्र फाइदा हुनेछ ।

कर्कट (ही,हू,हे,हो,डा,डी,डु,डे,डो)

मिहिनेतले कार्यसिद्धि हुनेछ । नयाँ अवसर प्राप्त हुनेछ । पेसा-व्यवसायमा पनि मनग्य फाइदा हुनेछ । आफ्नो क्षेत्रमा प्रभुत्व जमाउँदै दाम, इनाम र प्रतिष्ठा कमाउने बेला छ । प्रतिष्ठित काम सम्पादन गर्दै लोकप्रियता हासिल गर्न सकिनेछ । शुभचिन्तकहरूको सहयोग जुट्नाले मनग्य फाइदा हुनेछ । आध्यात्मिक चेतनाले धर्मकर्म र सेवामूलक काममा प्रवृत्त गराउनेछ ।

सिंह (मा,मी,मू,मे,मो,टा,टी,टू,टे)

उपलब्धिको स्रोत प्राप्त हुनेछ भने प्रतीक्षित नतिजाले उत्साह जगाउनेछ । आफ्नो श्रम परे पनि कामकाे प्रतिफलमाथि अरूले राज गर्नेछन् । साँझतिर स्थितिमा सुधार आउनेछ । तर स्वास्थ्य कमजाेर रहनेछ । खर्च र चुनौतीको समय रहेको हुँदा व्यवहारमा पनि सजग रहनुपर्ला । कामको चाप बढ्नेछ तर सानोतिनो समस्यामाले अल्झाउन सक्छ । अवसरको खोजीमा दौडधुप गर्नुपर्ला ।

कन्या (टो,पा,पी,पू,ष,ण,ठ,पे,पो)

भौतिक वस्तुहरू जुटाउन सकिनेछ । साँझदेखि काम बिग्रने भयले सताउनेछ भने न्यून उपलब्धिमा चित्त बुझाउनुपर्ने देखिन्छ । स्वास्थ्यका लागि सजग रहनुहोला । सुन्दर पहिरनले व्यक्तित्वमा निखारता आउनेछ। आफन्तकाे उपहारले प्रसन्नता मिल्नेछ । मित्रता र प्रेमको बन्धन कसिनेछ भने परिवारजनको साथले उत्साह जगाउनेछ । व्यवसायबाट आम्दानी भइरहनेछ ।

तुला (रा,री,रु,रे,रो,ता,ती,तू,ते)

चुनौतीपूर्ण जिम्मेवारी वहन गर्नुपर्ला । साँझतिर स्थितिमा सुधार आउनाले राेकिएकाे काम बन्नेछ । व्यापार बढ्नुका साथै पेसा-व्यवसायमा लाभ हुनेछ । मिहिनेत गर्दा पहिलेको उपलब्धि जोगाउन सफल भइनेछ । परिस्थितिको चक्रमा अलमलिनुपर्दा काम बन्न समय लाग्नेछ । आफ्नो क्षेत्रमा अरूले हस्तक्षेप गर्न सक्छन् । सम्भावना देखिए पनि उपलब्धि प्राप्त गर्न समय लाग्नेछ ।

बृश्चिक (तो,ना,नी,नू,ने,नो,या,यी,यू)

अध्ययनमा धेरै समय दिन नसक्दा पछि परिनेछ । लगनशीलताले मात्र परिस्थितिलाई बदल्न सक्छ । साँझतिर स्थितिमा सुधार आउनेछ । आँटेकाे काम गर्न सफल भइनेछ । पराक्रमद्वारा अधिकार स्थापित गर्न सकिनेछ । परिस्थितिवश चिताएको काममा विलम्ब हुनेछ । अवसरले पछ्याए पनि फाइदा उठाउन चुनौतीसँग जुध्नुपर्नेछ । स्वास्थ्यका लागि खानपानमा सजग रहनुपर्ला ।

धनु (ये,यो,भा,भी,भू,ध,फा,ढा,भे)

रोकिएका काममा दोहोर्याएर प्रयत्न गर्दा लाभ हुनेछ । काम बन्नेछ । विद्यार्थीहरूकाे अध्ययनमा प्रगति हुनेछ । मिहिनेतले सम्मानित स्थानसमेत दिलाउनेछ । तर शुभचिन्तकहरूको सुझाव नमान्दा दुःख पाइनेछ । अप्ठ्यारो परिस्थिति अँगाल्दै अघि बढ्नुपर्ने समय छ । समस्या दर्साउँदा साझेदार तथा आफन्तजन सहयोगीका रूपमा देखा पर्नेछन् ।

मकर (भो,जा,जी,जू,जे,जो,ख,खी,खू,खे,खो,गा,गी)

शुभचिन्तककाे साथ-सहयाेगले काम गर्न सकिनेछ। तर विवादास्पद कामकाे जिम्मेवारी आउन सक्छ । हडबडको त्रुटिले काम दोहोर्याउनुपर्ला । केही घरायसी समस्याले आफन्त टाढिन सक्छन् । परिस्थिति अलि संघर्षपूर्ण रहन सक्छ । अरूका काममा धेरै समय अलमलिनुपर्ला । अरूको विश्वास गर्ने बानीले समस्या निम्त्याउला ।

कुम्भ(गू,गे,गो,सा,सी,सू,से,सो,दा)

चुनौती पन्छाएर काम बनाउन सकिनेछ । विभिन्न कामका अवसर प्राप्त हुनेछन् भने पेसा-व्यवसायमा पनि फाइदा हुनेछ । अरूको बारेमा चासो राख्दा स्वयं समस्यामा परिएला । अध्ययन र व्यापारमा सामान्य प्रगति हुनेछ । मिहिनेतीहरूलाई सामान्य फाइदा भइरहनेछ। आफ्ना कमजोरीमाथि टिप्पणी हुने समय रहेकाले सजग रहनुहोला ।

मीन(दी,दू,थ,झ,ञ,दे,दो,चा,ची)

मिहिनेतले केही काम गर्न सकिनेछ । स्राेत-साधन जुटाउने समय छ । रमाइलो जमघट एवं भोजभतेरको अवसर प्राप्त हुनेछ । तर समयमा सजग नहुँदा फाइदा लिने अवसर गुम्न सक्छ । खानपानको सोखले स्वास्थ्य पनि प्रतिकूल बन्ने देखिन्छ । आगन्तुकले व्यर्थैमा अलमल्याउन सक्छन् । अवसर प्राप्त भए पनि चुनौतीसँग जुध्नुपर्ने समय छ ।