आज वि.सं.२०८० साल भदाै १३ गते बुधवारको राशिफल

वि.सं.२०८० साल भदाै १३ गते । बुधवार । ईश्वी सन् २०२३ अगस्ट ३० तारिख ।

मेष(चू,चे,चो,ला,लि,लू,ले,लो,अ)

गुमेको स्थान प्राप्त हुनाले आफ्नो वर्चस्व बढ्नेछ । मेहनत गर्दा आयआर्जनका नयाँ स्रोत फेला पर्नेछन् । पुरानो समस्या सुल्झानाले विभिन्न अवसर प्राप्त हुनेछन् । पहिलेका कामबाट पनि प्रशस्त लाभ हुनेछ । तर अरूको इच्छाअनुकूल काम गर्नुपर्ने देखिन्छ । आफ्ना कमजोरी भरसक सार्वजनिक नगर्नुहोला । किनमेलमा केही रकम खर्च हुनेछ ।

बृष (ई,ऊ,ए,ओ,वा,वी,वू,वे,वो)

पुरुषार्थी काम गर्दै लाभ उठाउन सकिनेछ। काम पूरा नभए पनि दिगो योजना बन्नेछ । दिगाे उपलब्धिको स्रोत पहिल्याउन सकिनेछ । प्रयत्न गर्दा आफ्नो क्षेत्रमा प्रभुत्व जमाउन सकिनेछ। परोपकारी काममा प्रवृत्त भइनेछ । आँटेका काम बिहानै गर्दा फाइदा हुनेछ । सामाजिक जिम्मेवारी तथा नेतृत्व हातलागी हुनेछ । अध्यात्मभाव जागृत हुनाले परोपकारमा मन जानेछ ।

मिथुन(का,की,कू,घ,ङ,छ,के,को,हा)

नयाँ काम गर्ने अवसर जुट्नेछ । विशेष भेटघाटले उत्साह जगाउनेछ । प्रयत्न गर्दा सामाजिक जिम्मेवारी प्राप्त हुनुका साथै आफ्नो वर्ग वा क्षेत्रको नेतृत्व पनि हातलागी हुने समय छ । दिगो फाइदा हुने काम प्रारम्भ गर्न सकिनेछ। शरीरमा कमजोरी तथा आलस्य अनुभूति हुनेछ ।

कर्कट (ही,हू,हे,हो,डा,डी,डु,डे,डो)

व्यापार-व्यवसायमा फाइदा उठाउन सकिने छ । चिताएकाे काम बिहानै गर्दा फाइदा हुनेछ । तर मध्याह्नदेखि हिसाबमा देखिएको लाभांश हातलागी हुन समय लाग्नेछ । कामको चाप बढ्नेछ र सानोतिनो समस्याले अल्झाउन सक्छ । वादविवादले साथीभाइमा फाटो ल्याउन सक्छ । अरूले आफ्ना कमजोरीको फाइदा उठाउन सक्छन् । वादविवादले प्रेम र मित्रताको बन्धन कमजोर रहला ।

सिंह (मा,मी,मू,मे,मो,टा,टी,टू,टे)

काम बन्नाले जिम्मेवारी बढ्न सक्छ । दिगो फाइदा हुने काम प्रारम्भ हुने छ। केही रकम सञ्चय गर्न पनि सकिनेछ ।नतिजा सच्याउन काम दोहोर्याउनुपर्ला । मिहिनेतको राम्राे फल प्राप्त हुनेछ । आयस्राेत बढ्नाले उत्साह जाग्नेछ । श्रमको उचित मूल्य पाइनेछ । व्यापारमा राम्रै फड्को मार्न सकिनेछ ।

कन्या (टो,पा,पी,पू,ष,ण,ठ,पे,पो)

दिगो फाइदा हुने काममा सम्झौता गर्ने समय छ । नयाँ काम प्रारम्भ हुनेछ । विशेष काम बिहानै गर्नु फाइदाजनक हुनेछ । अध्ययनमा प्रगति हुनेछ भने ज्ञानलाई निखार्ने अवसर प्राप्त हुनेछ । तर मध्याह्नदेखि प्रतीक्षा गरिएको नतिजा पनि कमजोर रहनेछ । सहयोगीहरूले काममा साथ दिन छाड्नेछन् भने अस्वस्थताले व्यवसायमा पनि बाधा पुर्याउन सक्छ । सामान्य प्रतिस्पर्धामा अलमलिनुपर्ला ।

तुला (रा,री,रु,रे,रो,ता,ती,तू,ते)

दिगो काम प्रारम्भ गर्ने समय छ । आफ्नो क्षेत्रमा प्रभुत्व जमाउन सकिनेछ । बिस्तारै मनको डर हराउनेछ । मिहिनेतले प्रतिष्ठित काम सम्पादन गर्ने मौका दिलाउनेछ । अध्ययनको लगावले बौद्धिक क्षेत्र फराकिलो बन्नेछ । पढाइमा गुरुजनको मार्गदर्शन उपयोगी हुनेछ । सहपाठीहरू पछि पर्नेछन् भने प्रतीक्षित नतिजाले उत्साह जगाउनेछ ।

बृश्चिक (तो,ना,नी,नू,ने,नो,या,यी,यू)

चुनौती पन्छाएर काम बनाउन सकिनेछ । बुद्धिको उपयोगले सफलता मिल्नेछ । लगनशीलताले आंशिक उपलब्धि दिलाउनेछ । तर बन्धु-बान्धवबीच आत्मीयतामा कमी आउन सक्छ । अवसरले पछ्याए पनि चुनौतीहरूसँग जुध्नुपर्नेछ । प्रगतिमा ईर्ष्या गर्नेहरूले दु:ख दिनेछन् । अप्ठ्यारा परिस्थिति सुल्झाउन जुट्नुपर्ला । विवादास्पद कामको जिम्मेवारी वहन गर्न सकिनेछ ।

धनु (ये,यो,भा,भी,भू,ध,फा,ढा,भे)

चुनौतीभित्र अवसर खोज्ने समय छ । नतिजा कमजोर देखिनाले काम दोहोर्याउनुपर्ने हुनसक्छ । महत्त्वपूर्ण काम बिहानै गर्नु राम्रो हुनेछ । आँट गर्दा दिगो काममा हात हाल्न सकिनेछ । बोलीको प्रभाव बढ्नाले विशेष अवसर प्राप्त हुनेछ । मध्याह्नदेखि आफ्नै सहयोगीहरू प्रतिस्पर्धामा उत्रिन सक्छन् । हठले अप्ठ्यारो पार्न सक्छ । आफ्नो प्रतिफलमाथि अरूले राज गर्नेछन् ।

मकर (भो,जा,जी,जू,जे,जो,ख,खी,खू,खे,खो,गा,गी)

बोलीको प्रभाव बढ्नाले आर्थिक क्रियाकलापमा फाइदा हुनेछ । अध्ययनमा प्रगति हुनेछ भने ज्ञानलाई निखार्ने अवसर प्राप्त हुनेछ । आजको उपलब्धिले थप उत्साह जगाउनेछ । प्रयत्न गर्दा विभिन्न अवसर प्राप्त हुनुका साथै दैनिकीमा परिवर्तन आउनेछ । हिम्मतले काम बनाउन सकिनेछ । पछिसम्म लाभ हुने काम प्रारम्भ गर्न सकिनेछ ।

कुम्भ(गू,गे,गो,सा,सी,सू,से,सो,दा)

आजको श्रमबाट पछिलाई फाइदा हुनेछ । सहयोगीहरूले साथ दिनेछन् भने नयाँ कामको प्रस्ताव आउनेछ । कर्जामार्फत खर्च जुटाउन सकिनेछ । स्वादिष्ट खानपानको आनन्द प्राप्त हुनेछ । पारिवारिक भेटघाटले खुसियाली छाउनेछ । मिहिनेतीहरूका लागि दिन फलदायी रहनेछ । काममा लगानी बढाउनुपर्ने स्थिति आउन सक्छ ।

मीन(दी,दू,थ,झ,ञ,दे,दो,चा,ची)

मिहिनेत गर्दा आम्दानीका स्रोत फेला पर्नेछन् । विदेश ताक्नेहरूलाई सुखद समाचार प्राप्त हुनेछ । प्रयत्न गर्दा देश–विदेश घुम्ने अवसर जुट्न सक्छ । पहिले गरेका कामबाट प्रशस्त लाभ हुनेछ । आयआर्जन बढ्ने र उठ्नुपर्ने रकम हातलागी हुने समय छ । तर मध्याह्नदेखि खर्चिलो काम प्रारम्भ हुनेछ । यसका लागि धेरै रकम जुटाउन र आवश्यकता पूरा गर्न सरसापट लिनुपर्ने हुन सक्छ ।