आज वि.सं.२०८० साल साउन २५ गते बिहीवारको राशिफल

वि.सं.२०८० साल साउन  २५  गते । बिहीवार । ईश्वी सन् २०२३ अगस्ट १० तारिख ।

मेष(चू,चे,चो,ला,लि,लू,ले,लो,अ)

शुभचिन्तकहरूको सहयाेगले फाइदा उठाउन सकिनेछ । किनमेलमा केही खर्च लागे पनि महत्त्वपूर्ण सामान जाेड्ने समय छ । आजको श्रमबाट पछिलाई फाइदा हुनेछ । अध्ययनको लगावले बौद्धिक क्षेत्र फराकिलो बन्नेछ । तर आत्मविश्वासको कमीले मनमा डर लाग्न सक्छ । वादविवादबाट टाढा रहनुहोला । आफ्ना सूचनासम्बन्धी गोपनीयतामा ध्यान पुर्याउनुहोला ।

बृष (ई,ऊ,ए,ओ,वा,वी,वू,वे,वो)

बिछोडिएका आफन्तसँग भेटघाट होला । पहिलेका कमजोरी सुधार्दै फाइदा उठाउने समय छ । पहिरनले व्यक्तित्व निखार्ने हुँदा आकर्षक भइनेछ । आँटेको काम तत्काल बन्नेछ । रमाइलो जमघटका बीच स्वादिष्ट भोजनको आनन्द प्राप्त हुनेछ । पहिलेको सफलताले थप हौसला जगाउनेछ । नयाँ कामको प्रस्ताव आउनेछ भने सहयोगीले साथ दिनेछन् ।

मिथुन(का,की,कू,घ,ङ,छ,के,को,हा)

अवसरको खोजीमा केही दौडधुप गर्नुपर्ला । थैली नहेरी किनमेलमा लाग्दा अधिक खर्च भएकाे थाहा नहुन सक्छ । उपकरण बिग्रनाले मर्मतमा खर्च गर्नुपर्ला । कामको नतिजा तत्काल प्राप्त नहुन सक्छ । अरूबाट फाइदाकाे आशा गर्दा आफ्नै धनमाल गुम्न सक्छ । बेलामा होस नपुर्याउँदा खर्च गराउनेहरू सक्रिय हुनेछन् भने सहयोग गर्नेहरू कमै भेटिनेछन् ।

कर्कट (ही,हू,हे,हो,डा,डी,डु,डे,डो)

कृषि, पशुपालन तथा व्यापारमा प्रशस्त फाइदा हुने छ। चल-अचल धनको उपयोगबाट मनग्गे फाइदा उठाउन सकिनेछ । दिगो फाइदा हुने काममा जग बसाउने मौका प्राप्त हुनेछ । प्रतीक्षित नतिजाले उत्साह जगाउनेछ । आम्दानीका नयाँ स्रोत फेला पर्नेछन् । पहिले गरेका कामबाट प्रशस्त लाभ हुनेछ । आयआर्जन बढ्ने र उठ्नुपर्ने रकम हातलागी हुने समय छ ।

सिंह (मा,मी,मू,मे,मो,टा,टी,टू,टे)

अरूलाई प्रभावित पारेर काम बनाउने समय छ । तारिफयोग्य कामले लाेकप्रियता दिलाउनेछ । नयाँ कामका लागि केही भौतिक साधन पनि जुटाउन सकिनेछ । आजको मिहिनेतले भविष्यमा नाम र प्रतिष्ठा दिलाउन सक्छ । आफ्नो क्षेत्रमा प्रभुत्व जमाउन सकिनेछ । साथीभाइको सहयोगले हिम्मत दिलाउनेछ । राम्रो कर्मफल प्राप्त हुनाले मन प्रसन्न रहनेछ ।

कन्या (टो,पा,पी,पू,ष,ण,ठ,पे,पो)

रोकिएका काममा दोहोर्याएर प्रयत्न गर्नुहोला । धर्मकर्म तथा परोपकारी काममा प्रवृत्त भइनेछ । मिहिनेत गर्दा राम्रै फाइदा हुनेछ । भविष्यका लागि विशेष काममा जग बसाउन सकिनेछ । परिस्थितिवश धेरै फाइदा नहुने काममा अलमलिनुपर्ला । श्रम परे पनि सोचेको मूल्य प्राप्त नहुन सक्छ । नयाँ जिम्मेवारी प्राप्त भए पनि उपलब्धिका लागि समय प्रतीक्षा गर्नुपर्ला ।

तुला (रा,री,रु,रे,रो,ता,ती,तू,ते)

दिगो फाइदा हुने योजना बन्न सक्छ । तत्काल उपलब्धि प्राप्त नभए पनि सम्भावना खोजी गर्ने समय छ । सानातिना काममा अल्झनुपरे पनि बुद्धिको उपयोगले समस्या पहिचान गर्न सकिनेछ । प्रतीक्षित नतिजा कमजोर देखिनाले काम दोहोर्याउनुपर्ला । स्वास्थ्यका लागि औषधि जाेहाे गर्नुपर्ला । यात्रा कष्टपूर्ण हुनेछ र अरूको विश्वास गर्दा काम रोकिन सक्छ ।

बृश्चिक (तो,ना,नी,नू,ने,नो,या,यी,यू)

विशिष्ट व्यक्तिहरूसँग भेटघाट हुनेछ । आकर्षक उपहार प्राप्त हुने समय छ । आतिथ्यपूर्ण सम्मान पाइनेछ । पेसा–व्यवसायमा पनि मनग्य फाइदा उठाउन सकिनेछ । घुमफिर तथा मनोरञ्जनमा समय बित्नेछ । रमाइलो जमघटमा सहभागी बन्ने अवसर जुट्नेछ । मिहिनेतको परिणामले आत्मविश्वास बढ्नेछ । सहयोगीहरूको साथले काममा उत्साह जगाउनेछ ।

धनु (ये,यो,भा,भी,भू,ध,फा,ढा,भे)

शत्रु परास्त हुनेछन् भने रोगबाट उन्मुक्ति मिल्नेछ । विवाद तथा मुद्दाहरूमा आफ्नो पक्ष बलियो रहनेछ । प्रतिस्पर्धीहरूलाई पछि पार्न सकिनेछ । पहिलेको सफलताले हौसला जगाउनेछ भने पछिका लागि विशेष काममा जग बसाउने मौका छ । प्रयत्न गर्दा विभिन्न अवसर प्राप्त हुनेछन् र मनग्गे फाइदा उठाउन सकिनेछ । परिश्रम परे पनि लक्ष्य प्राप्त हुनेछ ।

मकर (भो,जा,जी,जू,जे,जो,ख,खी,खू,खे,खो,गा,गी)

प्रतिष्ठित काम सम्पादन गर्ने मौका छ । सेवामूलक काम सम्पादन गर्न सकिनेछ । प्रतीक्षा गरिएको नतिजा सबल रहनेछ । गुरुजनको सुझाव र सन्तानको सहयोग लाभदायी बन्नेछ । सुरुमा केही अलमल भए पनि पछि लाभ हुने काम प्रारम्भ हुनेछ । फाइदाको स्रोत पहिल्याउन सकिनेछ । अध्ययनमा राम्रो उपलब्धि प्राप्त हुनेछ । बौद्धिक प्रतिस्पर्धामा विजयी भइनेछ ।

कुम्भ(गू,गे,गो,सा,सी,सू,से,सो,दा)

बेसुरमा दिइएको वचनले समस्या निम्त्याउला । घरायसी आवश्यकता बढ्नाले सञ्चित रकम खर्चनुपर्ला । अनावश्यक साइनो गाँसी नजिकिनेहरूसँग सावधान रहनुहोला । प्रक्रिया नमिल्नाले काम दोहोर्याउनुपर्ने स्थिति आउन सक्छ । सहयोगीहरू पछि हट्नाले नयाँ योजना प्रारम्भ गर्न समस्या पर्नेछ । हिस्सेदारसँग असमझदारी बढ्नाले सम्झौता भंग हुन सक्छ ।

मीन(दी,दू,थ,झ,ञ,दे,दो,चा,ची)

विशेष उपहार हातलागी होला । कृषिमा कामको चाप र चौपायामा केही समस्या देखिए पनि धन आर्जन प्रशस्तै हुनेछ । शत्रु र प्रतिस्पर्धीलाई सजिलै पछि पार्न सफल भइनेछ । सहयोगीहरूले राम्रो साथ दिनाले चिताएका काम सम्पादन हुनेछन् । उद्योग र व्यापारमा विशेष फाइदा उठाउन सकिनेछ । गरिएका कर्मको छोटो समयमै उचित प्रतिफल पाइनेछ ।