आज वि.सं.२०८० साल साउन २४ गते बुधवारको राशिफल

वि.सं.२०८० साल साउन २४ गते । बुधवार । ईश्वी सन् २०२३ अगस्ट ९ तारिख ।

मेष(चू,चे,चो,ला,लि,लू,ले,लो,अ)

मिहिनेतले नाम, दाम र इनाम दिलाउनेछ । नयाँ काम थालनी गर्न बिहानीकाे समय उपयुक्त रहनेछ । आफन्त र साथीभाइकाे साथ पाइनाले साेचेकाे लाभ उठ्नेछ । ज्ञान, कला र व्यक्तित्वमा निखारता आउने समय छ । अवसरवादीहरूले दुःख दिन सक्छन् । दिउँसोदेखि परिस्थिति केही कमजोर बन्न सक्छ । विवादास्पद कामको जिम्मेवारी आउनेछ भने खर्च पनि बढ्ने सम्भावना छ ।

बृष (ई,ऊ,ए,ओ,वा,वी,वू,वे,वो)

आजको श्रमबाट पछिलाई फाइदा हुनेछ । दिउँसोतिर पारिवारिक भेटघाटले खुसियाली छाउनेछ । खर्च लागे पनि प्रयत्न गर्दा काममा सकारात्मक संकेत प्राप्त हुनेछ । पछिका लागि केही वस्तु त्याग्नुपर्ने हुन सक्छ । मिहिनेतीहरूका लागि दिन फलदायी रहनेछ । नयाँ योजना थाल्ने समय आएको छ । तर अरूको भरपर्दा काम बिग्रन सक्छ ।

मिथुन(का,की,कू,घ,ङ,छ,के,को,हा)

आवश्यक भौतिक साधन सजिलै जुट्नेछन् । आम्दानी बढ्नाले उत्साह जाग्नेछ । श्रमको उचित मूल्य पाइनेछ । मिहिनेत गर्दा आम्दानीका स्रोत फेला पर्नेछन् । व्यापारमा राम्रै फड्को मार्न सकिनेछ । दिउँसोदेखि खर्च बढ्नाले अर्थ अभाव देखा पर्न सक्छ । सोखले फजुल खर्च बढाउनेछ । आवश्यकता पूरा गर्न सरसापट वा ऋण लिनुपर्ने हुन सक्छ ।

कर्कट (ही,हू,हे,हो,डा,डी,डु,डे,डो)

मिहिनेतले नाम, दाम र इनाम दिलाउन सक्छ । आम्दानीका नयाँ स्रोत फेला पर्नेछन् । पहिलेका कामबाट पनि प्रशस्त लाभ हुनेछ । उठ्नुपर्ने रकम हातलागी हुनेछ । कृषि, पशुपालन र व्यापारमा फाइदा हुनेछ । विवादास्पद काममा हात हाल्नुपरे पनि प्रयत्न गर्दा बिस्तारै लक्ष्यमा पुग्न सकिनेछ । अवसरले पछ्याउनेछन् भने दिगो फाइदा हुने काममा जग बसाउने मौका छ ।

सिंह (मा,मी,मू,मे,मो,टा,टी,टू,टे)

सामाजिक जिम्मेवारी प्राप्त हुनेछ र आफ्नो क्षेत्रको नेतृत्व हातलागी हुनेछ । तारिफयोग्य कामले दाम, इनाम र प्रतिष्ठा कमाउने बेला छ । तारिफयोग्य कामले धेरैको उपकार गर्न सकिनेछ । ईर्ष्या गर्नेहरूले भने आफ्ना कमजोरीबाट फाइदा उठाउन सक्छन् । केही विवादास्पद कामकाे जिम्मेवारी लिनुपर्ने देखिन्छ ।

कन्या (टो,पा,पी,पू,ष,ण,ठ,पे,पो)

दिगो फाइदा हुने जिम्मेवारी प्राप्त हुन सक्छ । परिश्रमले धेरैको मन जित्न सकिनेछ । मिहिनेतले राम्रै उपलब्धि प्राप्त गर्न सकिनेछ । तर अरूका लागि समय खर्चनुपर्ला । परिस्थिति अलि बिग्रन सक्छ । सानोतिनो समस्याले अल्झाउनेछ भने स्वास्थ्य पनि प्रतिकूल रहनेछ । व्यवहारमा शुभचिन्तकहरूको भावना बुझ्ने चेष्टा गर्नुहोला ।

तुला (रा,री,रु,रे,रो,ता,ती,तू,ते)

व्यापारमा भने आम्दानी बढ्नेछ । प्रियजनसँग रमाइलो भेटघाट हुनेछ । धेरै आफन्तसँग सम्पर्क बढ्नेछ । न्यून उपलब्धिमा चित्त बुझाउनुपर्ला । विचार नमिल्नाले आफ्नैसँग वादविवाद हुन सक्छ । मिहिनेतको फल अरूकै हातमा पर्न सक्छ । स्वास्थ्यका लागि आहारविहारमा ध्यान पुर्याउनुहोला । दिउँसोदेखि काम बिग्रनाले अलि दुःख पाइनेछ ।

बृश्चिक (तो,ना,नी,नू,ने,नो,या,यी,यू)

मध्याह्नपछि व्यापारको बहानामा रमाइलो यात्रा हुन सक्छ । आकर्षक उपहारले उत्साह जगाउनेछ । बुद्धिको उपयोगले परिस्थिति अनुकूल बनाउन सकिनेछ । प्रतिस्पर्धा गर्नुपरे पनि स्रोतसाधन जुट्नाले दिगो काम बन्नेछ । आफ्नो मिहिनेतबाट अरूले फाइदा उठाउने कोसिस गर्नेछन् । तापनि रमाइलो क्षणमा मन ढुक्क भने नहुन सक्छ । वादविवादबाट सजग रहनुहोला ।

धनु (ये,यो,भा,भी,भू,ध,फा,ढा,भे)

प्रयत्न गर्दा अध्ययनमा प्रगति हुनेछ । गुरुजनको सुझाव र सन्तानको सहयोग लाभदायी बन्नेछ। दिगाे काममा जग बसाउने मौका छ । मिहिनेतले लक्ष्यमा पुर्याउनेछ। कामको मेसो नमिल्दा केही अलमल हुनेछ । साहसी काम गरेर लाभ उठाउन सकिनेछ। प्रतिपक्षीहरू समेत सहयोगी बन्नेछन् ।

मकर (भो,जा,जी,जू,जे,जो,ख,खी,खू,खे,खो,गा,गी)

अध्ययनमा गुरुजनको मार्गदर्शन उपयोगी हुनेछ । भूमि तथा पशुधनबाट लाभ मिल्नेछ । टाढिएका आफन्त नजिकिनेछन् । हतारमा निर्णय लिने बानीले अप्ठ्यारो पार्ने हुँदा सजग रहनुहोला । प्रक्रिया नमिल्नाले काम दोहोर्याउनुपर्ने हुन सक्छ । मध्याह्नदेखि स्वास्थ्य कमजोर रहने हुँदा आहारविहारमा ध्यान पुर्याउनुहोला । नियमित कामको मेसो नमिल्दा केही अलमल हुनेछ ।

कुम्भ(गू,गे,गो,सा,सी,सू,से,सो,दा)

साथीभाइसँग सन्तुलित व्यवहार गर्नुहोला । आफन्तहरू टाढिन सक्छन् । भूमि तथा पशुधनबाट सामान्य लाभ मिल्नेछ । सम्भावना देखिए पनि उपलब्धि हातपार्न धेरै श्रम गर्नुपर्ला । काममा आफ्नो श्रम परे पनि प्रतिफलमाथि अरूले राज गर्नेछन् । पहिले दिएको वचनले अप्ठ्यारो पार्न सक्छ । अरूका लागि श्रम तथा बुद्धि खर्चनुपर्ला ।

मीन(दी,दू,थ,झ,ञ,दे,दो,चा,ची)

साथीभाइ तथा सहयाेगीहरूकाे साथ पाइनेछ । रोकिएका काम बन्नेछन् । अध्ययन र व्यापारमा सोचेजस्तै प्रगति हुनेछ । पहिलेका विवादास्पद काम सुल्झाउन सकिनेछ । बाेलीका भरमा चिताएकाे काम बन्न सक्छ । दिउँसाेदेखि भने प्रतिस्पर्धीहरूले अलि दुःख दिनेछन् । अरूको बारेमा चासो राख्दा स्वयं समस्यामा परिएला । आफ्ना कमजोरीमाथि टिप्पणी हुने समय छ, सजग रहनुहोला ।