मनकामना केवलकारले १ करोड ६० लाख भक्तजनलाई सेवा

चितवन -नेपालकै पहिलो मनकामना केवलकार २४ औं वर्षमा प्रवेश गरेको छ। कोई समुह अन्तर्गत मनकामना दर्शन प्रालिद्वारा संचालित नेपालकै पहिलो र सफल मनकामना केवलकार आज देखि २४ औं वर्षमा प्रवेश गरेको हो।

२०५५ साल मङ्सिर ८ गतेदेखि नियमित संचालनमा आएको केवलकारले हालसम्म करिव १ करोड ६० लाख यात्रु तथा भक्तजनहरूलाई स्तरीय सेवा प्रदान गरेको छ ।

केवलकार संचालन पश्चात् मनकामना क्षेत्र र यस आसपास क्षेत्र प्रमुख पर्यटकीय गन्तब्य हुनका साथै उल्लेखनीय विकास समेत भएको छ।

संचालन २४ वर्षमा प्रवेश गरेसंगै प्रविधि पुरानो हुँदै गएको र धेरै नवीनतम् प्रविधिको विकास भईरहेको र मर्मत सम्भार खर्च समेत अत्यधिक भइरहेको र स्पेयर पार्ट्स पाउन समेत केही वर्षभित्र कठिनाई आउन सक्ने परिप्रेक्ष्यमा यही बर्षदेखि आधुनिक प्रविधिको स्तरोन्नति समेत गरिने कम्पनीले जनाएको छ।