आज वि.सं.२०७८ साल असार ३१ गते बिहीबारको राशिफल

वि.सं.२०७८ साल असार ३१ गते । बिहीबार । ईश्वी सन् २०२१ जुलाई १५ तारिख । नेपाल संवत् ११४१ । राक्षस संवत्सर । उत्तरायण । ग्रीष्म ऋतु । श्रीशाके १९४२ । आषाढ शुक्लपक्ष । तिथि–पञ्चमी,बिहान ०५ बजेर २६ मिनेट उप्रान्त षष्ठी । नक्षत्र– उत्तरफाल्गुनी, रातको ०२ बजेर १२ मिनेट उप्रान्त हस्त । योग– वरियान, दिउसो ०३ बजेर ४४ मिनेट उप्रान्त परिध । करण– बालव,बिहान ०५ बजेर ५६ मिनेट उप्रान्त कौलव, बेलुकी ०४ बजेर ४४ मिनेट उप्रान्त तैतिल । आनन्दादिमा–मातंग योग । चन्द्रराशि– सिंह,बिहान ०८ बजेर ४४ मिनेट उप्रान्त कन्या । काठमाडौंमा सूर्योदय बिहान ०५ बजेर १८ मिनेट,सूर्यास्त बेलुकी ०६ बजेर ५९ मिनेट । दिनमान ३४ घडी १२ पला ।

मेष (चू,चे,चो,ला,लि,लू,ले,लो,अ)

नोकरिमा हुने प्रतिस्पर्धामा तपाईँको नाम अग्र स्थानमा आउने छ । प्रतिस्पर्धी तथा सहपाठीहरुलाई किनारा लगाउदै पढाइ लेखाइमा नतिजा हात पार्न सकिने छ । रोकिएर बसेका काम बन्ने तथा स्वास्थ्य सम्बन्धी समस्या झेल्नेहरुले मुक्ति पाउने समय रहेको छ । दाम्पत्य सम्बन्ध तथा प्रेम सम्बन्ध राम्रो हुनेछ । मामा तथा मावली पक्षबाट सहयोग पाईने छ ।

बृष (ई,ऊ,ए,ओ,वा,वी,वू,वे,वो)

समय तथा परिस्थितीको तालमेल मिल्दा चाहेको उपलव्धी हासिल गर्न सकिने छ । आफन्त तथा सन्तानको सहयोगले दैनिकी सहजीकरणतर्फ धकेलिने छ । प्रविधिको प्रयोग मार्फत अध्ययनलाई निरन्तरता दिन सकिने छ । माया प्रेममा रमाउन चाहनेहरुका लागी समय उत्तम रहेको छ । कृषि तथा पशुपालन व्यावसायमा लगानी गरि राम्रै आम्दानी गर्न सकिने छ ।

मिथुन(का,की,कू,घ,ङ,छ,के,को,हा)

घरजग्गा तथा सवारी साधनको व्यावसायबाट केहिमात्रमा लाभ लिन सकिने छ । कृषि तथा पशुपालन व्यावसाय फस्टायर जाने छ । मित्रहरुको लहै लहैमा लाग्नाले पढाइ लेखाइ कमजोर रहने छ । साथिभाईहरुको गलत संगतले नकरात्मक सोचको विकास हुने छ भने नियम बिपरित काम गर्न उक्साउनेहरु सक्रिय रहने छन् । छाति सम्बन्धी समस्याले नसताउला भन्न सकिन्न । परिवार तथा आमासँग छुट्टिएर टाडाको यात्रा हुने हुनाले मन बिचलित हुने छ ।

कर्कट(ही,हू,हे,हो,डा,डी,डु,डे,डो)

आफन्त तथा दाजुभाईबाट सहयोेग पाईनेछ भने मिष्टान्न भोजन ग्रहण गर्ने अवसर जुर्ने छ । माया प्रेमको गाठो कसिलो भएर जाने तथा जीवन साथिको भरपुर सहयोग पाईने छ । न्यायिक निर्णयहरु तपाईँकै पक्षमा आउने छन् । छोटो तथा उपलब्धी मुलक यात्रा हुने छ । दैनिक उपभोग्य बस्तु ,औषधी तथा अनलाईनबाट सप्लाई हुने सामानको व्यापार व्यावसाय फस्टाएर जाने छ ।

सिहं(मा,मी,मू,मे,मो,टा,टी,टू,टे)

दैनिक उपभोग्य बस्तु ,औषधी तथा अनलाईनबाट सप्लाई हुने सामानको व्यापार व्यावसाय फस्टाएर जाने छ । प्रविधिको प्रयोग मार्फत अध्ययनलाई निरन्तरता दिन सकिने छ । सामाजिक सञ्जाल तथा प्रविधिको प्रयोग मार्फत आफ्ना भनाई वा लेखहरु जनमानसमा लैजान सकिने छ । कृषि तथा पशुपालन व्यावसायमा लगानी गरि राम्रै आम्दानी गर्न सकिने छ ।

कन्या(टो,पा,पी,पु,ष,ण,ठ,पे,पो)

समयको ख्याल नगर्दा पुराना तथा नयाँ कामहरु थाती रहने छन् भने सरोकार नभएका बिषयमा चासो राख्नाले दुख पाईने छ । भौतिक सम्पति तथा सवारि साधनको खरिद बिक्रि गर्दा वा चलाउँदा ध्यान दिनु होला अप्रिय घट्ना हुँन सक्छ । माया प्रेम आजको दिन टाडै रहनु बेस हुनेछ किनकी भेटमा एक अर्कालाई अबिश्वास गर्नाले मनमुटाव बढ्ने छ । खानपान तथा बाहिरी वातावरणको ख्याल गर्नुहोला सामान्य स्वास्थ्य सम्बन्धी समस्या आउन सक्छ ।

तुला(रा,री,रु,रे,रो,ता,ती,तू,ते)

समय मध्ययम रहेकोले पढाइ लेखाइमा भनेजस्तो प्रगती गर्न सकिने छैन । खानपान तथा बाहिरी वाताबरणको ख्याल गर्नुहोला स्वास्थ्यमा समस्या आउन सक्छ । माया प्रेममा धोका तथा बिस्वासघात हुने छ । काम गर्दा ध्यान दिनुहोला दण्ड तथा जरिवाना हुन सक्छ । तापनि विदेशमा बसेर काम गर्नेहरुका लागी समय फलदायी रहने छ ।

बृश्चिक (तो,ना,नी,नू,ने,नो,या,यी,यू)

पैत्रिक धन तथा सम्पतीको प्रयोग तथा परिचालन गरी मनग्गे धन आर्जन गर्न सकिने छ । अग्रज तथा मान्यजनको आशिर्वाद लिईदै अगाडी बढ्नु होला । कृषि तथा पशुपालन व्यावासायबाट मनग्गे धन आर्जन गर्न सकिने छ । सवारी साधन तथा भौतिक सम्पती प्राप्तीको योग रहेको छ । तरपनि बाहिरी वातावरण तथा मौसमको ख्याल गर्नुहोला स्वास्थ्यमा समस्या आउन सक्छ ।

धनु(ये,यो,भा,भी,भू,ध,फा,ढा,भे)

आफुलाई मन पर्ने वा रुचिको बिषय अध्ययन गरि बौद्धिकताको स्तर फराकिलो बनाउन सकिने छ । राजनीतिज्ञ तथा बिशिष्ट व्याक्तित्वहरुको संगतले राम्रा काम गर्न सकिने छ । कृषि तथा पशुपालन व्यावसायलाई समय सापेक्ष आधुनिकिकरण गरि मनग्गे धन आर्जन गर्न सकिने छ । पुरुषार्धि काम गरि लक्ष्य पहिल्याउन सकिनेछ । प्रेममा नजिक हुन सकिने छ ।

मकर(भो,जा,जी,जू,जे,जो,ख,खी,खू,खे,खो,गा,गी)

योजना कार्यान्वयनको चरणमा लैजान सकिने छ । ईमान्दारिता र लगनशिलताले लक्ष्य पहिल्याउन सहज हुने छ । अथितिका रुपमा स्वागत तथा सत्कार पाईने छ । पढाइ लेखाइमा मन जानेछ भने नतिजा आफैतिर ल्याउन सकिने छ । रमाईलो यात्राको बीच मिष्ठान्न भोजन ग्रहण गर्ने अवसर प्राप्त हुने छ ।

कुम्भ(गू,गे,गो,सा,सी,सू,से,सो,दा)

कष्टभावमा गोचर गर्ने चन्द्रमाले खानपान तथा वाहिरी वातावरणको ध्यान दिनु होला । सामाजिक जिम्मेवारी प्राप्त भएपनि समयमा जिम्मेवारी वहन गर्न नसक्दा आलोचना हुन सक्छ । लामो समय देखिको प्रेम सम्बन्ध टुट्न सक्छ ध्यान दिनु होला । अध्ययनमा मन नजादा अरुभन्दा पछी परिने छ । तरपनि रिसर्च पर्सनका लागी समय उत्तम रहेको छ ।

मीन(दी,दू,थ,झ,ञ,दे,दो,चा,ची)

रमाईलो तथा पारिवारिक माहोलमा दिन बित्नेछ भने पारिवारिक माहोलमा मिष्ठान्न भोजन ग्रहण गर्ने अवसर प्राप्त हुने छ । अध्ययनमा तपाईँको नाम अग्र स्थानमा आउने छ । भौतिक साधन स्रोत तथा उपकरण जुट्नाले दैनिक काम गर्न सहज हुने छ । प्रेम तथा मित्रताको बन्धन कसिलो भएर जाने छ । दैनिक उपभोग्य बस्तु ,औषधी तथा अनलाईनबाट सप्लाई हुने सामानको व्यापार व्यावसाय फस्टाएर जाने छ ।