आज वि.सं.२०७८ साल असार २४ गते बिहीबारको राशिफल

वि.सं.२०७८ साल असार २४ गते । बिहीबार । ईश्वी सन् २०२१ जुलाई ०८ तारिख । नेपाल संवत् ११४१ । राक्षस संवत्सर । उत्तरायण । ग्रीष्म ऋतु । श्रीशाके १९४२ । आषाढ कृष्णपक्ष । तिथि– चतुर्दशी,रातको ०४ बजेर ३७ मिनेट उप्रान्त औंशी । नक्षत्र– मृगशिरा,बेलुकी ०९ बजेर १६ मिनेट उप्रान्त आद्रा । योग– बृद्धि,बेलुकी ०५ बजेर २४ मिनेट उप्रान्त ध्रुब । करण– भद्रा,दिउसो ०३ बजेर ४८ मिनेट उप्रान्त शकुनी,रातको ०४ बजेर ३७ मिनेट उप्रान्त नाग । आनन्दादिमा–मृत्यु योग । चन्द्रराशि–बृष,बिहान ०८ बजेर ०६ मिनेट उप्रान्त मिथुन । काठमाडौंमा सूर्योदय बिहान ०५ बजेर १६ मिनेट,सूर्यास्त बेलुकी ०७ बजेर ०१ मिनेट । दिनमान ३४ घडी २३ पला ।

मेष(चू,चे,चो,ला,लि,लू,ले,लो,अ)

दाजुभाई तथा छिमेकिको सहयोगले राम्रा काम गर्न सकिने समय रहेको छ । विवाद तथा प्रतिस्पर्धामा अरुभन्दा एक कदम अगाडी बढी नतिजा हात पार्न सकिने छ । सामाजिक सञ्जाल तथा मिडिया मार्फत आफ्ना भनाईहरु जनमानसमा लैजान सकिने छ । कला तथा साहित्यको क्षेत्रमा समय लगानी गर्नेहरुका लागी समय उत्तम रहेको छ ।

बृष(ई,ऊ,ए,ओ,वा,वी,वू,वे,वो)

काम गर्दिन्छु भनेर आषा देखाउनेहरुले धोका दिने छन् । आफुले बोलेका कुराहरु पुर्याउन नसक्दा आलोचना गनेहरु सक्रिय हुने छन् । व्यापारमा लगानि गर्नको लागी केहि समय पर्खनुहोला समय मध्ययम रहेको छ । आर्थिक अभावले चाहेका वस्तु खरिद गर्न सकिने छैन । प्रेममा मनमुटाब तथा अबिश्वास सिर्जना नहोला भन्न सकिन्न ।

मिथुन(का,की,कू,घ,ङ,छ,के,को,हा)

आफन्त तथा शुभचिन्तको साथ तथा समर्थन पाईने हुनाले मन प्रशन्न हुने छ । लगनशिल तथा ईमान्दार भएर लाग्नाले कार्यक्षेत्रमा लोकप्रियता चुलिने छ । बिभिन्न अवसर आउने तथा ति अवसरहरुको सदुपयोग गर्दै परिणाममुखि काम गर्न सकिने छ । पढाइ लेखाइमा प्रतिस्पर्धीभन्दा एक कदम अगाडी बढि नतिजा हात पार्न सकिने छ । प्रेमको डोरो कसिलो भएर जाने छ । बिहानको समयमा खर्च बढ्ने योग रहेको छ ।

कर्कट(ही,हू,हे,हो,डा,डी,डु,डे,डो)

खानपानमा ध्यान नदिए स्वास्थ्यमा समस्या आई औषधी उपचार खर्च बढ्ने छ । आफन्त तथा साथिभाईहरु टाडिने छन् । व्यापारमा मन्दी आउने तथा खर्च बढ्ने योग रहेको छ । अध्ययनमा मन नजादा अरुभन्दा पछी परिने छ । तरपनि विदेशमा बसेर काम गर्नेहरुका लागी समय फलदायी रहने छ । कृषि तथा पशुपालन व्यावसायमा लगानी गरि राम्रै आम्दानी गर्न सकिने छ ।

सिहं(मा,मी,मू,मे,मो,टा,टी,टू,टे)

औषधीजन्य तथा खाद्यान्नसँग सम्बन्धीत सामानको उत्पादन तथा व्यापार व्यावसाय फस्टाएर जाने छ भने अन्य क्षेत्रमा गरिएको लगानीमा मन्दि आउने छ । अग्रज तथा मान्यजनको आशिर्वाद लिईदै अगाडी बढ्नु होला । कृषि तथा पशुपालन व्यावासायबाट मनग्गे धन आर्जन गर्न सकिने छ । सवारी साधन तथा भौतिक सम्पती प्राप्तीको योग रहेको छ ।

कन्या(टो,पा,पी,पु,ष,ण,ठ,पे,पो)

साहशी काम गरेर मनग्गे धन आर्जन गर्न सकिने छ । दैनिक उपभोग्य बस्तु ,औषधी तथा अनलाईनबाट सप्लाई हुने सामानको व्यापार व्यावसाय फस्टाएर जाने छ । राजनीतिज्ञ तथा सामाजिक क्षेत्रमा काम गर्नेहरुका लागि समय राम्रो रहेकोले पद तथा मानसम्मान पाउने योग रहेको छ । अरुलाई दिएको बाचा पुरा गर्न सकिने हुदा मन प्रशन्न हुने छ ।

तुला(रा,री,रु,रे,रो,ता,ती,तू,ते)

समयको महत्व बुझेर अगाडी बढ्दा चाहेको गन्तव्य भेट्न सकिने छ । धर्म अध्यात्म तथा सामाजिक परम्परा जस्ता क्षेत्रमा मन जाने छ । प्रशासनिक काममा केहि ढिला सुस्तिको चपेटामा परिएपनि अन्तत काम हुने छ । खोजीमुलक काममा लामो दुरिको यात्राको तय गर्न सकिने छ । व्यापार व्यावसायमा केहि मन्दि आएपनि दैनिकि प्रभावित हुने छैन ।

बृश्चिक (तो,ना,नी,नू,ने,नो,या,यी,यू)

व्यापार व्यावसायमा मन्दी आउने तथा आम्दानि घट्नाले दैनिकी प्रभावित हुने छ । पढाइ लेखाइमा मन नजानाले नतिजा आफुतिर ल्याउन मुस्किल पर्ने छ । प्रेममा धोका हुन सक्छ ध्यान दिनु होला । खानपान तथा मौसमको ख्याल नगर्नाले स्वास्थ्यमा समस्या आउन सक्छ । कार्यक्षेत्रमा आलोचना गर्नेहरु बढ्ने तथा काम बिग्रने भएले सताउने छ ।

धनु(ये,यो,भा,भी,भू,ध,फा,ढा,भे)

परिवार तथा कुटुम्ब बीच रमाईलो गर्दै मिष्ठान्न भोजनका साथ रमाउन सकिने छ । औषधीजन्य तथा खाद्यान्नसँग सम्बन्धीत सामानको उत्पादन तथा व्यापार व्यावसाय फस्टाएर जाने छ भने अन्य क्षेत्रमा गरिएको लगानीमा मन्दि आउने छ । माया प्रेममा रमाउन चाहनेहरुका लागी समय उत्कृष्ट रहेको छ । प्रविधिको प्रयोग मार्फत अध्ययनलाई निरन्तरता दिन सकिने छ ।

मकर(भो,जा,जी,जू,जे,जो,ख,खी,खू,खे,खो,गा,गी)

अध्ययन,लेखन,कलासाहित्य तथा गित संगितमा चासो बढ्ने छ भने तपाईँको प्रतिभाको उच्च कदर हुने छ । प्रेम सम्वन्धमा विश्वासको वाताबरण बढ्ने छ । भौतिक साधनहरु जुट्ने छन् । प्रविधिको प्रयोग मार्फत मनग्गे धन आर्जन गर्न सकिने छ ।सामाजिक सञ्जाल तथा प्रविधिको प्रयोग मार्फत आफ्ना भनाई वा लेखहरु जनमानसमा लैजान सकिने छ ।

कुम्भ(गू,गे,गो,सा,सी,सू,से,सो,दा)

व्यापार व्यावसायमा लगानी गर्ने वातावरण बन्ने भएपनि सोचेजस्तो आम्दानी गर्न निकै समय खर्चनु पर्ने छ । सन्तान तथा छोराछोरिले तपाईँको काममा आंशिक सहयोग गर्ने छन् । बौद्धिक कार्यमा सहभागी भई आफ्नो क्षमता प्रदशन गर्ने अवसर प्राप्त हुनेछ भने सोचेजस्तो पारिश्रमिक नपाउदा मन खिन्न हुने छ । प्रेम प्रसङगमा एक अर्का बीच भावना साटासाट गरी समय व्यातित गर्न सकिने छ ।

मीन(दी,दू,थ,झ,ञ,दे,दो,चा,ची)

राजनीति तथा समाजसेवामा समय लगानि गर्नेहरुले जनताको आलोचनात्मक समर्थन प्राप्त गर्ने छन् । अरुको काम गर्दा समय बितेको पत्तो नपाईने हुँदा आफ्नो काम भने थाति रहने छ । खोज तथा अनुशन्धानको क्षेत्र तपाईँ आफ्नै कारणले फितलो रहने हुनाले भने जस्तो नतिजा हात पार्न मुस्किल पर्ने छ । व्यापार व्यावसायमा प्रशस्त समय खर्र्चिए पनि थोरै उपलब्धीमा चित्त बुझाउनु पर्ने छ ।