आज वि.सं.२०७८ साल असार २१ गते सोमबारको राशिफल

वि.सं.२०७८ साल असार २१ गते । सोमबार । ईश्वी सन् २०२१ जुलाई ०५ तारिख । नेपाल संवत् ११४१ । राक्षस संवत्सर । उत्तरायण । ग्रीष्म ऋतु । श्रीशाके १९४२ । आषाढ कृष्णपक्ष । तिथि– एकादशी,बेलुकी १० बजेर ५८ मिनेट उप्रान्त द्वादशी । नक्षत्र– भरुणी,दिउसो ०१ बजेर ४० मिनेट उप्रान्त कृतिका । योग– धृति,दिउसो ०३ बजेर ३४ मिनेट उप्रान्त शूल । करण– बव,बिहान १० बजेर ०० मिनेट उप्रान्त बालव,बेलुकी १० बजेर ५८ मिनेट उप्रान्त कौलव । आनन्दादिमा–धाता योग । चन्द्रराशि–मेष,बेलुकी १८ बृष । काठमाडौंमा सूर्योदय बिहान ०५ बजेर १५ मिनेट,सूर्यास्त बेलुकी ०७ बजेर २७ मिनेट । योगिनी एकादशीव्रत ।

मेष(चू,चे,चो,ला,लि,लू,ले,लो,अ)

राजनीति तथा समाजसेवीहरुले समाजमा राम्रा काम गरी स्थापित हुने समय रहेको छ । व्यापारमा थोरै लगानी गर्दा पनि भनेजस्तो आम्दानी हुने छ । अध्ययनमा मन जाने तथा प्रतिस्पर्धीहरुलाई किनारा लगाउदे चाहेको गन्तब्य भेटाउन सकिने छ । भौतिक सम्पतिको प्रयोगले दैनिक आम्दानिमा बृद्धि भएर जाने छ । प्रेममा नजिक हुने तथा भावना साटासाट गर्न सकिने छ ।

बृष(ई,ऊ,ए,ओ,वा,वी,वू,वे,वो)

खर्च बढेपनि उपलव्धी मुलक कामहरु हुने छैनन् । खानपानमा ध्यान दिनुहोला सामान्य स्वास्थ्य सम्बन्धि समस्या आउन सक्छ । बिधी बिधान पुर्वक काम गर्न नसक्दा जरिवाना तिर्नुपर्ने हुन सक्छ ध्यान दिनु होला । तरपनि लामो दुरिको विदेश यात्राको अधिक सम्भावना रहेको छ । विदेशि सामानको व्यापार व्यावसाय फस्टाएर जानेछ भने विदेशमा बसेर धन कमाउन चाहनेहरुका लागी समय उत्तम रहेको छ ।

मिथुन(का,की,कू,घ,ङ,छ,के,को,हा)

सिमित स्रोत तथा साधनबाट असिमित आवस्यकता पुरा गर्नु पर्दा रुपैया पैसाको व्यावस्थापन गर्न गाह्रो पर्ने छ । नयाँ काम गर्नु पहिले ध्यान दिनु होला अवसरवादीहरुले फसाउन सक्छन् । दाजुभाई तथा आफन्तलाई बिश्वास गर्दा धोका पाईने छ । माया प्रेममा एक अर्का बीच मनमुटाव हुने तथा पति पत्नी बीचको सम्बन्धमा अविश्वास बढ्ने छ । अन्यत्रै ध्यान मोडिदा पढाइ लेखाइमा पछी परिने छ ।

कर्कट(ही,हू,हे,हो,डा,डी,डु,डे,डो)

अवसरहरुलाई सदुयोग गरि मनग्गे लाभ लिन सकिने छ । राजनीति तथा सामाजिक काममा रुची बढ्ने तथा समयमा काम गर्न सकिने हुनाले मान सम्मानमा बृद्धि हुने छ । व्यापार व्यावसाय फस्टाएर जाने तथा उत्पादनमुलक क्षेत्रमा लगानी गर्ने अवसर प्राप्त हुने छ । माया प्रेममा सामिप्यता बढेर जाने छ भने पति पत्नीको सहयोगले राम्रा काम गर्न सकिने छ ।

सिहं(मा,मी,मू,मे,मो,टा,टी,टू,टे)

व्यापारमा लगानी गरी मनग्गे धन आर्जन गर्न सकिने छ । समयले साथ दिने हुनाले सानो प्रयत्नले परिणाममूखि काम गर्न सकिने छ । धार्मिक तथा आध्यात्मिक क्षेत्रमा रुची बढ्ने छ । खोज तथा अनुशन्धानको क्षेत्रमा भनेजस्तो नतिजा हात पार्न सकिने छ । प्रेममा रमाउन चाहानेहरुका लागी समय उत्तम रहेको छ । आत्मविश्वास बढ्ने हुनाले लक्ष्य पहिल्याउन सकिने छ ।

कन्या(टो,पा,पी,पु,ष,ण,ठ,पे,पो)

भौतिक बस्तु तथा सवारी साधनको कारोबार गर्दा ध्यान दिनुहोला समय मध्ययम रहेको छ । आफन्त तथा साथि भाईसँग मनमुटाब सिर्जना हुने योग रहेको छ । व्यापारमा लगानी गरिहाल्ने समय नरहेकोले गरिरहेको कामलाई निरन्तरता दिनु होला । माया प्रेममा एक अर्कालाई शंका गर्नाले छुट्टिनुपर्ने बाध्यता आउने छ । खानपानमा ध्यान दिनुहोला स्वास्थ्यमा समस्या आउने छ ।

तुला(रा,री,रु,रे,रो,ता,ती,तू,ते)

परिवार तथा कुटुम्ब बीच रमाईलो गर्दै मिष्ठान्न भोजनका साथ रमाउन सकिने छ । भौतिक तथा बिलाशी बस्तु प्राप्तीको योग रहेको छ । एकल तथा संयूक्त व्यावसायबाट वा लगानी गरी मनग्गे धन तथा सम्पती कमाउन सकिने छ । व्यापारकै शिलशिलामा लामो दुरिको यात्रा हुने छ । माया प्रेममा रमाउन चाहनेहरुका लागी समय उत्कृष्ट रहेको छ ।

बृश्चिक (तो,ना,नी,नू,ने,नो,या,यी,यू)

नोकरिमा हुने प्रतिस्पर्धामा तपाईँको नाम अग्र स्थानमा आउने छ । प्रतिस्पर्धी तथा सहपाठीहरुलाई किनारा लगाउदै पढाइ लेखाइमा नतिजा हात पार्न सकिने छ । रोकिएर बसेका काम बन्ने तथा स्वास्थ्य सम्बन्धी समस्या झेल्नेहरुले मुक्ति पाउने समय रहेको छ । दाम्पत्य सम्बन्ध तथा प्रेम सम्बन्ध राम्रो हुने छ । मामा तथा मावली पक्षबाट सहयोग पाईने छ ।

धनु(ये,यो,भा,भी,भू,ध,फा,ढा,भे)

सन्तान तथा छोराछोरिले तपाईको काममा भरपुर सहयोग तथा समर्थन गर्नेछन् भने सन्तानको प्रगतिमा मन रमाउने छ । बिद्यामा उत्कृष्ट नतिजा हात लाग्ने तथा पुरस्कार तपाईँकै पोल्टोमा पर्ने छ । आकस्मिक धन,सम्पती लाभ हुने तथा चिठ्ठा,उपहार प्राप्तिको योग रहेको छ । माया प्रेममा सामिप्यता बढेर जानेछ भने पति पत्नी बीचको मायाको गाठो कसिलो भएर जाने छ ।

मकर(भो,जा,जी,जू,जे,जो,ख,खी,खू,खे,खो,गा,गी)

श्वास प्रश्वास तथा छाती सम्बन्धी समस्याले दैनिकी प्रभावित हुन सक्छ ध्यान दिनु होला । सामाजिक काममा मन जाने भएपनि समर्थन गर्नेहरु कमै भेटिने छन् । व्यापारमा लगानी गरेपनि आम्दानी कमनै हुने छ । आफन्तसँग टाडिएर यात्रा गर्नुपर्दा मन खिन्न हुने छ । तरपनि घरजग्गा तथा पैत्रिक भुमिमा गरिने व्यावसाय फस्टाएर जाने छ ।

कुम्भ(गू,गे,गो,सा,सी,सू,से,सो,दा)

आट,साहस तथा पराक्रममा बृद्धि हुनेछ भने पुरुषार्थले अधिकार स्थापित गर्न सकिने छ । सामाजिक सञ्जाल तथा प्रबिधिको प्रयोग गरि आफ्ना भनाईहरु जनमानसमा लैजान सकिने छ । पढ्ने लेख्ने काममा मन जाने हुनाले नतिजा आफैतिर ल्याउन सकिने छ । प्रेममा रमाउन चाहनेहरुका लागि समय फलदायी रहेको छ ।

मीन(दी,दू,थ,झ,ञ,दे,दो,चा,ची)

बोलिको प्रभाव बढ्ने हुँदा बोलेकै भरमा कामहरु सम्पादन हुने छन् भने मोटिभेसन,काउन्सेलिङ तथा बोलेर गर्ने व्यावसाय फस्टाएर जाने छ । व्यापार व्यावसायमा समय दिन सके मनग्गे आम्दानी हुने छ भने भौतिक सम्पति तथा धातु संग्रह गर्न सकिने छ । रमाईलो यात्रा गर्ने अवसर जुर्ने तथा यात्राका क्रममा मिठो साथिभाईका साथमा मिष्टान्न भोजन ग्रहण गर्ने अवसर प्राप्त हुने छ । रमाईलो गर्दागर्दै पढाइ लेखाइमा समय दिन नसक्दा अरु भन्दा पछी परिन सकिन्छ ध्यान दिनु होला ।