कम आय भएका कोरियनहरु सांस्कृतिक उत्थानमा

सोल-सरकारी तथ्याङ्कका अनुसार हरेक दश न्यून आय भएका कोरियन परिवारहरु मध्ये ५ परिवार कोरियाका बिभिन्न सांस्कृतिक क्षेत्रको अवलोकनमा गएको पाईएको छ । गत बर्षको तथ्याङ्कले उक्त बर्गका मानिसहरु सांस्कृतिक क्षेत्र अवलोकनार्थ विविध क्षेत्रमा गएको पाईएको हो ।

कोरियाली संस्कृति, खेलकुद तथा पर्यटन मन्त्रालयका अनुसार ८ सय ४०.७ अमेरिकी डलर वा सो भन्दा कम आम्दानी हुने करिव ५१ प्रतिशत भन्दा बढी जनसङ्ख्या कोरियाका बिभिन्न कलात्मक तथा सांस्कृतिक क्षेत्रको अवलोकनार्थ गएको पाईएको छ । अघिल्लो बर्ष सोहि समुहका करिव ४२ प्रतिशत मानिसहरु त्यस्ता स्थान भ्रमणार्थ गएका थिए ।

सरकारी तथ्याङ्कका अनुसार कोरीयालीहरु घुम्न मन पराउछन् । गत बर्ष करिव ८१ प्रतिशत कोरियालीहरु कुनै न कुनै संग्राहालय, कन्सर्ट, सभा, कला प्रदर्शनी लगायतका क्षेत्रको भ्रमणमा गएको पाईएको छ ।

सन् २०१८ मा औसतमा एक कोरियनले करिव ८.७ दिन पेड बिदा लिन्थे भने सन् २०१९ मा सो बिदाको दर ९.९ दिन प्रति ब्यक्ति रहेको छ ।

यसको कारण कोरियाली सरकारले गरेको आन्तरिक पर्यटन प्रवर्धन, उनीहरुमा आएको चेतना तथा पर्यटकीय क्षेत्रमा सरकारले गरेको उचित लगानी समेत रहेको संस्कृति, खेलकुद तथा पर्यटन मन्त्री पार्क याङ उहले बताएका छन् ।