दशैंको छैटौं दिन कात्यायनी माताको पूजा आराधना

आज वडा दशैंको छैठौं दिन घर–घरमा कात्यायनी माताको पूजा आराधना गरी मनाईदै छ ।

आजको दिनमा कात्यायिनी भगवतीको पूजा गरे रोग, शोक, भय, दुख दरिद्रजस्ता संकट नाश हुने धार्मिक विश्वास रहेको पाइन्छ । धर्मशास्त्रमा उल्लेख भए बमोजिम प्राचीन युगमा कात्या नाम गरेका महर्षिका छोरा कात्यायान ऋषिको छोरीको रुपमा भगवतीले जन्म लिएको हुनाले उनको नाम कात्यायिनी रहन गएको कथन छ ।

तिनै कात्यायिनीले महिशासुरको बध गरेको शास्त्रीय मान्यता रहेको छ । माता कात्यायनी अमोघ फलदायिनी देवी हुन् । भगवान कृष्णलाई पतिरुपमा पाउनका लागि बज्रका गापिनीहरुले यिनै देवीको पूजा गरेका थिए ।

माता कात्यायनी बज्रमण्डलकै अधिष्ठात्री देवीको रुपमा प्रतिष्ठित छिन् । माता कात्यायनीको स्वरुप अत्यन्त चमिकिलो र भास्वर छ । यिनका चार वटा भुजा छन् । माताको दाया माथिल्लो हात अभयमुद्रामा तथा तल्लो वर मुद्रामा अवस्थित छ । वायातर्फको माथिल्लो हातमा तरवार र तल्लो हातमा कमलको फुल सुशोभित छ । माताको वाहन सिंह हो ।