स्वास्थ्य टीप्स- स्वस्थ्य रहन कस्तो ब्रेकफास्ट खाने ?

हामी सधैं स्वस्थ्य रहन चाहन्छौं | स्वस्थ्य रहन खानपान र जीवन शैलीले ठुलो भूमिका खेलेको हुन्छ | हामीले खाएको पदार्थले हामीलाई के सहयोग गर्छ भन्ने चेतना हामीमा हुनुपर्दछ | नेपाली समाजमा बिहान चिया खाने र १०/११ बजे र बेलुका खाना खाने चलन छ | बिहान ब्रेकफास्ट खाने चलन सबै नेपाली समाजमा आइ सकेको छैन | स्वस्थ्य रहन विज्ञहरुले सुझाव दिएका छन् तर कस्तो ब्रेकफास्ट खाने भन्ने बारे एकिन गर्न जरुरि छ | यहाँ स्वस्थ्य ब्रेकफास्ट खाने बारे डा. प्रतीक पौडेलको सल्लाहलाई हामीले प्रस्तुत गरेका छौं |

१. अन्डा-अन्डा राम्रो क्यालोरीयुक्त पौष्टिक आहार हो । त्यसैले यो ब्रेकफास्टका लागि उपयुक्त छ । दैनिक दुईवटा अन्डा खाँदा दिनभरलाई आवश्यक क्यालोरीको मात्रा उपलब्ध हुन सहयोग पु-याउँछ ।

२. दूध- ब्रेकफास्टमा एक गिलास दूध खान आवश्यक छ । दूधले पनि शरीरलाई चाहिने क्यलोरी प्रदान गर्छ । बिहानको खानासँगै दूध खाएका अझ फाइदाजनक हुन्छ ।

३. फलफूल- फलफूल उच्च क्यालोरीयुक्त खाद्यपदार्थ हो । यसर्थ, मौसमी फलफूल बिहानको खाजामा खाए फाइदा गर्छ । तर, अमिलो फलफूल खाँदा एसिडिटी बढ्ने भएकाले ख्याल गर्नुपर्छ । यसर्थ, बिहानै अमिलो फलफूल खाँदा भने आफ्नो स्वास्थ्य अवस्था ख्याल गरौँ ।

४.स्याउ- स्याउ जुनसुकै उमेर र अवस्थाका मानिसले पनि खान सकिन्छ । एउटा स्याउमा एक सयदेखि दुई सयसम्म क्यालोरी शक्ति पाइन्छ । तसर्थ, बिहान सधैँ एउटा स्याउ खान सके फाइदा पुग्छ । स्याउमा एन्टिअक्सिडेन्ट पाइन्छ । जसले बिरामीलाई फाइदा गर्छ ।

५.ब्रेड- बिहानको नास्तामा पाउरोटी, डुनोट आदिभन्दा पनि ब्राउन ब्रेड खानु लाभदायी हुन्छ । एउटा सामान्य ब्रेडमा करिब एक सय ५० भन्दा बढी क्यालोरी पाइन्छ ।

६.कार्बोहाइड्रेटयुक्त खानेकुरा- कार्बोहाइड्रेटयुक्त खाना बिहानै खान सकिन्छ । यसले दिनभर ऊर्जाशील रहन मद्दत गर्छ । यीबाहेक सम्भव भएमा खाना, मासु, तरकारी, सागसब्जी आदि खाँदा स्वास्थ्यमा सकारात्मक भूमिका खेल्छ । ब्रेकफास्टमा करिब २५ सयदेखि तीन हजार क्यालोरी भएका खानेकुरा आवश्यक छ ।