नेपाललाई बेलायतले दियो १ लाख ३० हजार डोज एस्ट्राजेनेका खोप

काठमाडौँ- नेपाललाई बेलायतले १ लाख ३० हजार डोज खोप उपलब्ध गराएको छ । काठमाडौस्थित बेलायती राजदूताबासका अनुसार बेलायतले उपलब्ध गराएको एस्ट्राजेनेकाको खोप बिहीबार नेपाल आइपुगेको छ ।

नेपालका लागि बेलायतका राजदूत निकोला पोलिटले ट्वीटरमार्फत खोप बिहीबार काठमाडौं आइपुगेका जानकारी दिएकी हुन् । बेलायतको सहयोगले नेपालमा कोभिड १९ को उच्च जोखिममा परेका व्यक्तिलाई सहयोग पुग्ने उनको विश्वास छ ।

राजदूत पोलिटले बेलायतले नेपाली जनतालाई महामारीसँग लडन सहयोग गर्दै आएको बताइन् ।

बेलायतले नेपाली जनतालाई महामारीसँग लडन सहयोग गर्दै आएको बताउँदै राजदूत पोलिटले यो खोप बेलायतले कोभ्याक्ससुविधा अनुदानबाहेक दुई पक्षीय सहयोगअन्तर्गत रहेको बताइन् ।

बेलायतका लागि नेपाली राजदूत लोकदर्शन रेग्मीले बेलयत सरकारले नेपाली जनताका लागि कोभ्यास प्रणाली अतिरिक्त दुई पक्षीय सहायताअन्र्तगत खोप उपलब्ध गराएकोमा आभार व्यक्त गरे ।