आजदेखि मेलम्ची बाढी प्रभावितलाई कोरोनाविरुद्धको खोप

काठमाडौँ- आजदेखि सिन्धुपाल्चोकको मेलम्ची तथा इन्द्रावती बाढी प्रभावित १८ वर्षमाथिका २० हजार मानिसलाई कोरोनाविरुद्धको खोप लगाइने भएको छ ।

वरिष्ठ जनस्वास्थ्य अधिकृत दुर्गादत्त चापागाईंले मेलम्ची नगरपालिका, हेलम्बु तथा पाँचपोखरी थाङपाल गाउँपालिकाका सर्वसाधारणले लगाउन मिल्ने गरी खोप केन्द्रमा पठाइसकिएको बताएका छन् ।

चापागाईंका अनुसार सिन्धुपाल्चोकका बाढी प्रभावित पाँचपाखरी थाङपाल गाउँपालिकाका लागि आठ हजार, मेलम्ची नगरपालिकाका लागि सात हजार र हेलम्बु गाउँपालिकाका लागि पाँच हजार मात्रा दुई हजार भायल खोप स्थानीय तहले यसअघि तोकिएका खोप केन्द्रमा पठाइसकिएको छ ।

बाढी प्रभावितलाई एस्ट्राजेनिका खोप लगाउन लागिएको हो । खोप अपुग भएमा थप खोपका लागि सम्पर्क गर्न पालिकालाई आग्रह गरिएको छ ।