बाँकेमा कोरोना संक्रमित थप पाँच जनाको मृत्युु

बाँके- थप पाँच जना कोरोना संक्रमित बाँकेमा मृत्यु भएको छ ।

नेपालगञ्‍ज मेडिकल कलेज कोहलपुरमा दुई जना र भेरी अस्पतालमा तीन जनाको मृत्यु भएको हो । मृत्यु हुनेमा बाँकेका दुई जना तथा बर्दिया, दाङ र रूकुम पश्चिमका एक/एक जना रहेका छन् ।

भेरी अस्पतालमा उपचाररत गुलरिया-४ बर्दियाका ५७ वर्षीय पुरुष, कोहलपुर-१४ बाँकेकी ७० वर्षीया महिला र तुलसीपुर-१८ दाङकी ७२ वर्षीया महिलाको मृत्यु भएको जिल्ला कोभिड–१९ संकट व्यवस्थापन केन्द्र बाँकेका फोकल पर्सन तेज वलीले बताएका छन् ।

त्यस्तै, नेपालगञ्‍ज मेडिकल कलेज कोहलपुरमा उपचाररत चौरजहारी-४ रुकुम पश्चिमकी ६५ वर्षीया महिला र नेपालगञ्‍ज-११ बाँकेकी ५५ वर्षीया महिलाको मृत्यु भएको छ ।

यो सँगै कोरोनाबाट हालसम्म बाँकेमा जिल्लाभित्रका २९९ जना र अन्य जिल्लाबाट उपचार गराउन आएका ३१० जना कोरोना संक्रमितको मृत्यु भएको छ ।