बागलुङमा संक्रमण दर नघटेपछि थप एक हप्ता लकडाउन

बागलुङ- बागलुङमा कोरोना संक्रमणको दर नघटेपछि थप एक साता लकडाउन थप गरिएको छ ।

बागलुङका प्रमुख जिल्ला अधिकारी शिवकुमार कार्कीका अनुसार शुक्रबार सबेको जिल्ला कोभिड संकट व्यवस्थापन समिति डिसिसिएमसीको बैठकले थप एक साता लकडाउन गर्ने निर्णय गरेको हो ।

प्रजिअ कार्कीले बैंक वित्तीय संस्था सञ्चालनलाई भने केही खुकुलो बनाइएको र अब बैंक वित्तीय संस्था बुधबार र आइतबार विहान ७ बजे देखि १० बजे सम्म खुल्ला रहनेछ जानकारी दिएका छन् ।

जेठ ३१ गतेसम्मका लागि लकडाउन थप गर्ने बैठकले निर्णय गरेको बताइएको छ । बैशाख २१ गतेदेखि लकडाउन थालिएको थियो ।

संक्रमणको दर दिनदिनै बढेपछि जेठ १ गतेदेखि १५ गते र १४ देखि जेष्ठ २२ सम्म लकडाउन थप गरेको थियो ।

प्रजिअ कार्कीले भने, “संक्रमितको संख्या अझै पनि एक हजार हाराहारीमा छ, यसको ‘चेन ब्रेक’ गर्नका लागि जिल्लामा लकडाउन जारी गरिएको हो। अझै पनि संक्रमितको संख्या बढि रहेको हुँदा लकडाउनलाई निरन्तरता र कडाई गरिने निर्णय भएको छ ।”

हाल जिल्लामा एक हजार ७८ जना सक्रिय संक्रमित रहेका छन् । त्यस मध्य अधिकांश होम आइशोलेसनमा रहेको बताइएको छ । संक्रमणबाट जिल्लामा मृत्यु हुनेको सं ४३ पुगेको छ ।

स्वास्थ्य कार्यालय बागलुङले हालसम्म जिल्लामा तीन हजार आठ यस ८१ जनामा कोरोना पुष्टि भएको जनाएको छ ।